¹ Ni Rohite Iesu ruta ami iagemanu vava iaga auna eragisa Iesu ni Rohite vamaga va seni guramarei. ² Vava iaga anageve beta mata o da iaganivaia. ³ Akamu bina hogeraganu renu ai magurivera Keriso renu ni Rohite rutagera. ⁴ Keriso orogoge, unuhuna ai magurive atage ororovara au ruta hegiriva uhurahe. ⁵ Auma hogeragisa negu koita eia mata o ada - ata renu magi iagia daure uhura uhu daure magurivaia iaga nitahaka era daure kohu magurivara. ⁶ Emnaki maguri daure e dainehe ni Rohite huhu ena vivive mi ororovara. ⁷ Onaki maguri daure uhurahe atage maguri viegei. ⁸ Eduge ama negu maguri daure o garemisa - huhu, vagadau uhuanana daurea bara kou renu ga daurea ai avagehe seni. ⁹ Ia negu bebe tarageima badivara akamu ata iahu maguriva a daureua garemanu. ¹⁰ Ata isage amu kinu, uhuvaka isage renu uhuanana isage, akine koitava eraravage nagate uhurehe. ¹¹ Oigera Greek veite renu Iudea veite ata iau tene meve renu ata iau tene meve kiki veite gahavaia, Babaria gahaia Scythion ga ihihi gahaia isuke veite gahavaia eduge Keriso abougigera renu iau bouge iau uhuregera. ¹² Edainehe ni Rohite idigevenu gahavaia aena renu mage vagahu soruva mage, moebia, ata mage renu ga ihihi. ¹³ Bebe mage gahigeisa renu hegiri ragohisa. Iai be na uhuhu tenu au bamode bei guma kobuga ei ni Rohite ai daureve vagua gahanei atage iau daureve vagua gahisa. ¹⁴ Eduge uhuanana nune uhurahe ama mage misa era maguri magevara. ¹⁵ Keriso uhu mageve uhurehe uie. Uhu mage e dainehe iauki a ihiromenu ahata mage kobabe. Adahe ama hegiri visa. ¹⁶ Keriso ga magevegu ai uhurehe uie, uhuanana mage be iau uhuvaka mage gahigeisa renu bebe hegiri gahigeisa, uhuvaka ga mage iau renu nogo mage renu Horu nogoiau. Nogo rosa hegiri ruta ai uhurehe ni Rohite anaisa. ¹⁷ A iaga aubouge kiarei gava se ata makava ama kisa aubouge Rohi Bauge Iesu ihehe. Ni Rohite mage gahisa au dainehe. ¹⁸ Magia, ata iau ihisa ni Rohite mageve uhurave. ¹⁹ Ataia iai mabare mage gahigeisa renu ia negu au daure be kima. ²⁰ Momonaia ai mamuhea renu ai neinuhea au gare ihisa iaga aubouge uhurahe era ni Rohite gahare vare uhurahe gera. ²¹ Ataia ia negu iai gamuhea daure gaigeima iau uhure negu isuke gahime. ²² Besubsesu koitavaia iai urigatuhea au gare ihisa ahata makava iaga aubouge uhurahe beta niva eige koita iabara ia motegahigeisa eduge uhu mage ruta. Ni Rohite sigamisa. ²³ Otadovanu a kime ama Horu uhuanana vehe memisa oti ni Rohite beta koita iau nagate. ²⁴ Aka dibanarqa ni Rohite a iayoare a moimovara. Akerege au ni Rohite Keriso meve kima. ²⁵ A unuhuma a maguri daure kima aka daure mimivara au daure dainehe beta vasi mage dainehe.