¹ Dakamu urai ya kirogeisa da korahi ya mati koita ya Lacedonia ya uiare, mati be yabage tage da erare veita e ahata makava. ² Da me o kiare ve daka so koita yau soruke bao geigei renu rama me mage kisa, mati yauma dibana gahisa Dirava gare ra riagavara - Ga riagara Iesu Keriso. ³ Dirava, auge uhu anana dobuke, mati uhuvaka ra au uhure gera ⁴ Da ga vare maka vara koita be negu ga taratava a taragime. ⁵ Daka beta ahata makava ya ruga edube di horu ve ra ya ruga gera. Dakamu hegiri vima ai me mage mati ai horuve Iesu Keriso ihehe. ⁶ E dainehe a Iesu Keriso mi ai mi ai magurive maemi mati au ruta usa. ⁷ Ga e uhura rama, ama bu uhurehe usa , mati ama hero kisa ai magurive uhurahe renu ama mohimohi mage visa. ⁸ Dirava auge ai maugurive maemi sa, mati koita tarata ragohare garegeisa, mati vata me daure anegu kiogeima.Badiva era beta Iesu Keriso gahara varera. ⁹ Iesu mage ve dainehenokamu Dirava maguri mageve uhurahe uia. ¹⁰ Ai magureve amu Iesu moimanu, auka ai baugete mati hedo aube au gera. ¹¹ Iesu uhura gera a tage mage manu, beta ata yau tene meve eduge Iesu Keriso uhura. ¹² A babtiso mane negahe akamu Keriso uhura gerarenu. Babtiso uhura aki maguri manu ai abidadamave Keriso i geregere Dirava hedoke auki hoge uhura maguri vanu. ¹³ A daure uhura hogeraganu, eduge ata au tene meve uhura uia, auki ni bouge ni daure ve inuhati ketogevenu. ¹⁴ Auki urugoi aena maemane, no besibe gahi gei auki mi satauro va gadimanu. ¹⁵ Auki au hedoke mati au aenave koita vaya inuhati yau vagotone vaniva gahi gevenu gerege auki nisigei au itahe otinu. ¹⁶ E dainehe, koita be negu a beragima tamuta dainehe, iaga dainehe, rigi vaniva, bata isage gadimare, mati Sabadi vani. ¹⁷ Iaga o abera iaga orogane yau vanivara, eduge au maka riagava ra Keriso. ¹⁸ Matau avanage koita mati aneru koitavara beta a berabe vara. Auka ahata maka uhu anana daure ve dainehe era maka veite ra. ¹⁹ Koita ora, Iesu Keriso ni ahamaka uhura biava, yau ki bina garehanu. Ni ahatamake ra Iesu Keriso ki regu giema, ni itaheve mati ahatamake bouge.E dainehe ni ahatamake varave gumavarahe au ki varaima. ²⁰ A Iesu Keriso ruta hoge ragane mati a mage mane otado dainehe a vata maguri uhura uma ? Otado dainehe a gure vat o ga taratave ihima. ²¹ A negu me kime,a negu ime mati a negu gaita kamuime. ²² Yaga yau inuhati no me gahe negahe yauki daure goigovara. Ga o yabera koita yau ananavera. ²³ Aena o yau kiogevenu, matau avanage mati yau ahatamake regure mage veite.Yauka ihi veita gahava abera.