¹ Paul Iesu Keriso yahe yahe koitave, Dirava ki maemanu mi orage Timoteo tage ra. ² Dirava ni mame Rohi Bauge mati au moe Iesu Keriso yau mageve miahe colose gaha yai bouge. ³ Dirava ni mame , Rohi Bauge mati au moe Iesu keriso yau ihege noki o imimi ragoha yai adahe. ⁴ Nokamu ya me mage kiare Rohi bauge ihehe nomu ihinu. ⁵ Ya mage kamuare ra basileia guma mage vara.Era Hari Mage ganai orogane ga vara, ⁶ Ga o mu ai tage mu mane, Hari Mage orogane ki maka mage begenu vata ada oi, eige a tage mu maka mage begenu ai maguri he. ⁷ Hari Mage ora Epaphras ki meva yai vagehe kinu, auka Isu Keriso yaheyahe koita mage bera. ⁸ Epaphras ki Rohi Bauge guma megave ya boriti gahi gevenu ⁹ Noka vani gauge noko o yai adahe imimi ragoha ya Rohi Bauge kamuare dainehe. Ni imimi raho bera yama uhuvaka mage misa Horu Aena yaheyahe ve uhurahe. ¹⁰ Ei noki mati imimi ragi, yama guma mageva ogisa mati ya mage mane nagate. Ama mati ai horu ehe hero me o mu raho goisa. ¹¹ Ni imimi bera Rohi Bauge mu ai meve bere gahisa au mageve uhure ama usa. ¹² Eige ama Rohi Bauge mage gahisa vani aubouge. ¹³ Daure uhurage Rohi Bauge ki mage no mohigevenu au moe Iesu Keriso basileia no idigei otinu. ¹⁴ Auki ni daure ve kamogevenu mati ketogevenu. ¹⁵ Auki ni sinasinave mati vata ada o kine iganiva yau hamagami. ¹⁶ Rohi bauge iaga aubouge ki orogane, vata oi mati vava, eragare mati erara veita iaganiva. Vata mati vava o rohivaya tage auge yauki orogane. ¹⁷ Rohi Bauge ar no urigatu koita ve mati no bouge koita va. ¹⁸ Auka ni Rohi ve ni urigatu koita ve iga au bougehe. ¹⁹ Eige noma au uhura usa ,au moe Iesu Keriso ni dainehe satauro va otine ki mage no mohigevenu. ²⁰ Ni basilei guma gera au hoge ki baoanu. ²¹ Yaka subuta vadibu uhura ge yaki uege guma daure va, uhu anana daure mati guma nune. ²² Kobege au hogeve ki no mage gevenu, eige noka au mage uhurage au Horu Aena ve ruta gera. ²³ Ama Horu Aena ruta usa a negu otito nune vime. Hari Mage ra koita au bouge ki mane. Da Paulo ra Hari Mage ki mage da moimane mati maguri isage tage. ²⁴ Da, Iesu Keriso me huhuva mane ra da auki hegiri da moimane au ihe he. ²⁵ Dubu Aena uhura me da kiare ra Rohi Bauge ki da moimane, au aenave noma riaga gahisa. ²⁶ Negu Iesu Keriso garera koita dadaga abera mimi veitera. Ga ora gagae goinu noko bina mi mati me gaha. ²⁷ Itahe gaha mati koita nune abemu mage misa era Hari Mage noki ro ya. ²⁸ Noma Dirava ihe motegahisa, au mageve koita aubougemu misa, Horu Aena uhurehe. ²⁹ Eige daki o au meve kima Horu Aena hero da moimane dainehe.