¹ Bia ya yai besubesu gahatuhe gums yeriri mati guma mageva yau e mohigeisa.Ama dibana goisa ai biage ramu e vava uma. ² Ai imimi vera mu behibehi ve goisa renu herokisa a mage mohimohi varei. ³ Yama gobu gahi no ana geisa yai imimi uhura Rohi Bauge ramu ni uduave noma Keriso gare riaga rosa. ⁴ Imimi rahohege dama gagae kisa, Da gavare uhura. ⁵ Ama uhuvaka ogisa itahe gavaya yau gasina otare. Vani e tage regunaki me gahisa. ⁶ Ai gare ramu heiga te mati ihihi va mu mage goisa ge koita yau berabeve ama uhurahe magevara rogeisa. ⁷ Da ana gevene iganiva inuhati Tychicus na ya vasiba gahi geisa. Auka ogonana mage tera, Rohi Bauge besubesu kiki koita vara. ⁸ Da yau gasina besugane maka va ramu no me kiare badiva yama ihare auma mati ya yahe geisa. ⁹ Onesimus me mage koita renu ni ogonane yau ruta daki e besuganu. Au tage ya bera au kena yaga inuhati ya kiogei rosa. ¹⁰ Da ruta vadibu yagava koitava Aristarchus au mage ve ai besugima, renu Mareko, Banabas orogane. Ya kamui subuta ga manu, mareko orogege yama miege auma ya ruta usa. ¹¹ Ioshua au ihe bera Justus au tage au mageve auki besugima yai koito abigaga. Dew gahavaya da ruta ge yauki Rohi Bauge basileia meve kia yaheyahe ketakevara. ¹² Epaphras ni vasire be tage auki au magevera ai besugima.Keriso Iesu besubesu koita ve bera yai dainehe au uhure inuhati auki Rohi Bauge imimigahima, yakata rahere hero kisa. Rohi Bauge gaharahe he vare iaganiva uhurahe. ¹³ Daka au meve daki riagahima yai, Lacedoniarenu Hierapolis gahava yai dainehe ge au me mi berabe vima. ¹⁴ Luka doketa mati Demas gaina ge yau mageve yauki besuga yai gasina. ¹⁵ Ogo vara Lacedonia mati Nympha uhura uiera gaina ni mageve mohigeisa, au yagehe me kobua gahi kiare gaina mati boriti gahi geisa. ¹⁶ Yai vagahe idi vadaka o dahare , mati Lacedonia yaga aena uhura yama dahisa. ¹⁷ Archippus ki roahe, au ma Rohi Bauge me moimare auma ki kosaisa. ¹⁸ Ora di mageve di adehe daki maemima da Paulo - yama da anaisa daka vadibu yaga va gera.