¹ Eige noma urugoi imimi mati mage mi koita bouge mohigeve, ² mati vata rohi iau bouge, ge iauma Rohi Bauge guma mageva usa. ³ Ora maguri magevara Rohi Bauge uhurahe. ⁴ Rohi Bauge ge ra gahara vima noka au mi ni Rohite kisa mati ga riaga dibanara. ⁵ Rohi Bauge ra kobabera, koita kobabera ni tanamagahe Rohi Bauge ruta, auka Keriso Iesu ra. ⁶ Au hogeve raki ni bouge maguri no mohigevenu. ⁷ Edainehe daka riaga roma, daka beta avanage ga vima - mati daka Gentile au Uhuvaka iagoi ia koita bera gabidadama mati riaga uhurahe. ⁸ Eige, Daka gahara vima koita iau bouge iau ade mi Rohi Bauge imigisa beta ho ruta. ⁹ Magi tage iauma ogona mage kisa, iau maguri mati ga gumaga tage mage goisa, iau negu iau omo hanaka dunegahima mati ogona daure ia kima, ¹⁰ eduge iauma magi iau maguri mageva guramima Rohi Bouge varane. ¹¹ Magi iabamu uhvaka iagoisa mati ga ihisa. ¹² Magi iabebu ata iau gare ihisa mati kou veite usa. ¹³ Rohi Bauge raki Adamu kinu itahe ge, Eva kinu. ¹⁴ Magi raki daure kinu mati Rohi Bauge gare ihihi veite beta Adamu. ¹⁵ Eduge magi ra mage mimi vara au gamuhe gasina, auma uhuanana mage uhurahe usa.