¹ Ga ora riaga vara: Koita be guma mage ogisa, auma mage kisa. ² Koita era mage kisa. Auma magi kobabe misa au mabare goisa. Auma ga mage visa, guma mage va, mati koita nune mage gahigeisa. Mati auma uhuvaka iagoia koita be. ³ Au negu gadiki gahara vima, mati gogai iagoima, auma matau mati uhudau koita. Mati au negu nata gahara vima ⁴ Au yaga uhurahe mage mu usa, mati au gamuhea au gare ihisa matau ruta. ⁵ Eige ata au yage mage veite ge, iauna orenaki Rohi Bauge yage mage maema vara. ⁶ Ata e negu koita isage be Rohi Bauge uhurahe, au negu Koita Daure uhurahe otima. ⁷ Auma Rohi Bauge itahe koitavaia ruta mage kisa, ge au negu Koita Daure guma daure va siriva. ⁸ Diakono ia tage maguri mage va usa. Iau negu gadiki dadaga ma mati anikunita guma va usa. ⁹ Iauma Rohi Bauge gare uhurahe usa, uhuanana ruta. ¹⁰ Koita mu au so gahigei vara, ge auma au meve kisa badivara iauka koita mageia. ¹¹ Eige iau mabara ruhea tage maguri mageva usa, beta ga nunenune koitavaia, eduge auma uhuanana mage kisa ia bouge uhurahe. ¹² Diakono iabamu magi kobabe misa. Iauma iau yaga mati gamuhea mage gahigeisa. ¹³ Koita unuhuia meve mage kima, auka u mage vivi vara ogo uhurahe mati gabidadama bauge Keriso Iesu gasina. ¹⁴ Da ga o iai gasina besugege, daka bina vaina ororo iai gasina. ¹⁵ Eduge daka so ororo veite uhurahe iaka dibana ra orenaki Rohi Bauge yaga uhurahe usa, yaga era maguri Rohi Bauge yagera, ga riaga umukavara. ¹⁶ Noka ni bouge dibanara maguri mage vara ia magera: "Auka ahatane va oroganu, Sua mage goinu, Aneru iabaki eraganu, au gare vata ada o ronu, au gare raki vata ada oi riaga vanu Rohi Bauge mageve otinu vavage