¹ Paulo, Rohi Bauge besubesu koita mati Iesu Keriso moe. ² Timoteo, di moe riaga gabidadama uhurahe: Mage mati uhudau mage Rohi Bauge ni mame mati Keriso Iesu ni Rohite. ³ Da Mecedonia garemege daki iai kirogevenu, iama Ephesus va usa ge iama koita borita gahigeisa iau negu Hari Mage nune roma. ⁴ Iau negu badi nune roma. Badi ena kiki raki maguri mage sebogima ni gabidadama ve Rohi Bauge gasina. ⁵ Iama dibana maguri magera ni sorukehe uma, uhuanana mageva mati gabidadama uhurahe. ⁶ Koita be iabera maguri mage he garemi mati ga nunenune roma. ⁷ Iauka gahara vima aena koita goisa eduge iau gare mati maguri vara beta magera. ⁸ Eduge aena ga ra iyaga mage vara. ⁹ Noka dibanara aena ra beta koita mageia dainehe aena ra koita gahihi veite iau era, aena ra koita daure iau era. Aena ra koita unuhu au mame mati neine gahigevenu koita iau era, ¹⁰ mati ni muduka koita vaia , mati koita mi koita iau besubesu koita kima mati avanage gaha, mati badi avanage koita, mati bina otado beta magera Rohi Bauge uhurahe. ¹¹ Ga aena ora ni Rohi Bauge uhuanana mageve ruta daki ia mohigeima. 12 Daka Keriso Iesu ni Rohite magegahima. Auki da hero moimima mati di gabidadama ve dainehe, me o da moimanu. ¹³ Daka subuta beta koita mage vara. Eduge Rohi Bauge uhudau mage di adehe di daure ve uhurahe. v 14 Ni Rohite mageve raki di adehe dainehe mati Keriso Iesu uhudau mageve. ¹⁵ Hari Mage ora mage mati riaga vara, Keriso Iesu raki vata ada oi daure koita no magegahigevenu. Eduge daka bina daure herea vera. ¹⁶ Eige Keriso raki au mageve da moimanu. Auki ona kinu ge koita iaberamu dibana goisa, auka maguri umuka vara. ¹⁷ Auka Rohi iau bouge iau Rohite ra, auka sua magevara, mati Rohi Bauge kobabera, auge mage na usa oti behibehi. Auka menu. ¹⁸ Me ora Timoteo di moe ai gasina daki garemima, ama hero kisa me mage o uhurahe, ¹⁹ ai gabidadamave kamui uhu mage ruta. A ga o garemege aka daure mimi vara. ²⁰ Hymenaeus mati Alexander nagate, daki iau abu mi Koita daure mohigevenu.