¹ Wagauri pakurai, veama uarai Palau pe rakoa. ² E ulamagiai pe thoa, Keriso na eulamagirao veaina ia maauna eveveni vagio, ia pakurai veveni gauna iwavagina Palau elenai. ³ Thaomuiai maaporaga, pa valavu veviliri,o augaua uamagiri pigono alari repana eila nori mauli namana Palau gena veaa auri elerai. ⁴ Noai mauli milomilo, noai thori awa awa, vegalaiga awa awari noaia-egau maparari ila nori mauli namana. Namu muina gau pogoro mauli agia gauna wara veva nama veveniri. ⁵ Eia maina pigo ripatha, maaporaga, nori thao vethaleva, o augaua aunilimalima na-ia vagelegelena-kaivakuku gaari- ia Keriso e Palau geria basileiai peene vethoa oa. ⁶ Auana thori waparana peene wapamui, repana egauri pakurai Palau gena paru wara karoverave melo ri thaarai pene mi oau. ⁷ Gaurai, pigo koukou agiri. ⁸ Kunenai mui muuna, namu evanamo mui velegau thaonai mathaai. Mathaa nauna veairi pigo thoa ⁹ (repana mathaa vuavuana wara gau maparari thaorai namaiwavagi, alathakwa thakwa, e auna auna), ¹⁰ e Palau raagau ai evereleni gauna pigo avua. ¹¹ Muuna nee vuani ulavunu ria ila pigono koukou, namu pigo thori rairia. ¹² Ma opi mathana lewana gau vairi ilana vevuniai geala rana. ¹³ Namu mathaana gau waua muunai eva magaiani thaonai ia peene vevuni ripa. ¹⁴ Gemagainia gauri wara mathaa. Gaurai eilagi iwani, ''Laai mau aumui,e waregana igo laai, e Keriso goi thaamuai pene lala ali.'' ¹⁵ Mui raa gomauli iwani avari igo ia nama namari-nori awa awai namu thaonekai pigo mauli. ¹⁶ Eora pigo ia nama namari repana egaro amauli agirana wara Satani gena. ¹⁷ Gaurai, pigono awa awa, namu Palau gena ririwa raagau pigo ripatha. ¹⁸ Waini ai pigono niu vanagi, repana karoverave maulina evawalani. Namu Veaa Palauna na pigo vonu, ¹⁹ mauavamui thaomuiai salamo thori rai pigo vethori veveni e veaa marirai, pigo marimari e thaomuiai velegaua pigo wavuri agia, ²⁰ gau maparari thaorai vevanama mo pigo vaivaia ia gera vele Iesu Keriso tharanai Palau ia amari elenai, ²¹ maauavamui thaomuiai pigo veripa veveni repana Keriso pakunai. ²² Vegarawa vavinemui, mui garawamui elerai pigo veilagi rai, velegau elenai veaina. ²³ Reapana maluane ia vavine erepani, veaina mo Keriso ia rupu repana,e iana mai evamauliao. ²⁴ Namu rupu Keriso elenai ethori raini, veaina mo vavine ila gau mapararai ila garawari elerai pige thori rai. ²⁵ Vegarawa aumui, mui garawamui vavineri pigo ulamagiri, Keriso na rupu eulamagiao veaina e rupu pakunai maauna eve venivagio. ²⁶ Keriso rupu pakunai maauna eve venivagio pe, rupu pene vaveaara, evuligiao gena thori maveaana na, ²⁷ pe ia maauna elenai pene veveni agiawaia mavewa vewana, noai makuku makukuna, o noai milomilona vagi, namu veaa e noai kepikepina vagi. ²⁸ Veaiveainai,maluane ila maauri garawari pige ulamagiri ila auniparari geulamagi rana veaina. Riai garawana eulamagiani auna iamaauna eveulamagini. ²⁹ Auapua auniparana maauna na peene gurugua, namu ia pene ia maatha e nakana pene gaua, Keriso na rupu eia mathani e nakana egauani veaina, ³⁰ repana maparari apunamo ia auniparanai. ³¹ '' Egauri pakurai maluane ia inana e amana pene kaliwaniri, ia magarawana pige vekoukou ila raligoi pige apuna.'' ³² Eauna auna vevunina wara kamuvagi-namu thauna Keriso e rupu ailagirana. ³³ Gaurai maluane, mui garawamui pigo ulamagiri maaumui gove ulamagini veaina,e vavine na maluane na pene mathalagia.