¹ Thau, gauri pakurai, Velegaua gena vevatipura auku, egogomuio gogona pigo roanaolea. ² Apuumuini pigo mauli, thaonai aukamu e thaovethalevai e manauai, ulamagiai pigo koukou. ³ Veaa Palauna gena vevakoukou maino na thaonai pigo mauli. ⁴ Aunipara apunamo e Veaa Palauna apunamo, veainamo mui egogomuio veraramani apunai mo. ⁵ Emaina Palau apunamo, veva aunaauna apunamo, papasito apunamo, ⁶ e Palau apunamo e gau maparari amari, thaarai, thaorana e thaorai maparari. ⁷ Ia apuri apuri veuga evenirao Keriso gena ripa vevenina gelegele nai. ⁸ Evealo auao: '' Ia pene verage gau unai, geve gapi kapanio auri iana evairao,e aunilimalima ia gena veveni gauri evenirao.'' ⁹ ''Everageo, '' ganina raagau namu ia maina maeve rivo ole alima kapinai? ¹⁰ Everivo ole wara auna mo, maeve rageo kupa uunai vagi pe, gau maparari pene vaguguluri. ¹¹ Keriso na vairi veunagi auri evenirao, vairi peroveta auri evenirao, evanelia auri, vairi venaka au e vevaripa auri(teachers.) ¹² Eulavunu eve veni agirao repana Palau gena veaa auri pene vaavari ulavunuai e Keriso auniparana varualainai. ¹³ Keriso auniparana roevarua laiani pene thao, ia maparari veva auna aunai pe vekoukou e Palau nauna gena thaoneka pe rawalia,e nuari pigegaua thaona na Palau pe ripa gugulua. ¹⁴ Keriso na ia evailigarana nori melomelo veairi pe, thapoana ethao thaorana, vevaripa irauirau ri no thagi, elavu laiwalaiwa rana,e aunilimalima geria wapa alarana gewaparana. ¹⁵ Namu, pe thori auna auna ulamagiai, tharapara vogoai ia thaonai pe ola rage auna ia repa, auna wara, Keriso. ¹⁶ Keriso na aunipara maparana evarualaiani, thaonai ia virogona eole koukouani, ava wauri wauri geulavunu koukouni, thaorana aunipara geregana ekalani ulamagiai. ¹⁷ Gaurai, thau athori gauagauani ethoriai Velegaua thaonai, vevaavua auri gemauli wai veari pigono mauli, ila valavurai gealawai. ¹⁸ Ila geria valavu uluai ila thaori muuna vavagi, Palau gena mauli thaona na geve ole gerevagini, repana vegurugu ila thaorai,e ila thaoria mai gagaua vavagi. ¹⁹ Ila matha nori ripari e maauri gevalavu lala lalani,e nori thaovethaleva roge mauli agiani. ²⁰ Namu Keriso waveainai muina pigono ripatha. ²¹ Thau ripaku muina ia goamonagiao,e ia thaonai geva ripamuio, auna auna wara Iesu thaonai emiao. ²² Mui gemi mauli kuinena gauri pigo kaliwaniri vevaripana wara geveni muio,au ola pigo ole gerevagia. Eau ola vevilina ia kamu repana ia gena ririwamagi awaawari vogo. ²³ Mui geva ripamuio pigo vevalivu wai valavumuiai, ²⁴ e au valivuna pigo ole aua, Palau ralewana e gegelanai evemaneo auna-aunaaunai thakwa thakwai e veaai. ²⁵ Gaurai, wapa pigo kaliwania, maauavamui thori auna aunai pigo vevaila, repana ia maauavari koukouai amaulinia. ²⁶ Pono paru namu, poono galama. Goi gemu paru garona poono vaeoa. ²⁷ Satani gena avagaama poono alapatha. ²⁸ Elemani auna mapeene lema wai. Ia pene ulavunu, ulavunu nanamari imana na pene vawalari pe,ganiri lealea auri pene ware veniri. ²⁹ Thori mamilori murumuina pigene thoa rai. Veva ava thoriria mo pigo oleri pe, mavairi pigo vailigari geria veaolea thaorai, thaorana mavairi gemi thori amonagirai iliga pige rawalia. ³⁰ Palau gena Veaa Palauna pigono vavi via, repana iana mui elauamuio. ³¹ Mamilagi raraavari pigo ole gerevagiri, thori karoverave, paru, ilavevauu,thori auvagi auvagi,e diabolo alari mapara ri. ³² Maparamui pigo venama veveni, thaovethaleva, galama pigo veilagi wai maava mui, Palauna Keriso thaonai galama mui eilagi wairao veaina.