¹ Egau pakurai, thau Paulo Iesu Keriso gena atipurao mui vevaavua aumui pakumuiai. ² Palau gena veuga thaona na, gena veunagi ulavunu na thau evenikuo mui ulamuina. ³ Thau na mui aalo venimuini, repana maavanagi arawaliao gelegelenai. Ma manai aalo venimuio wara,auna auna vevunina gauna era. ⁴ Ealoalo pigo orua thaonai, Keriso auna auna na vevunina thaokuai auamagiani pigo ripatha. ⁵ Ma kalakala vairi thaorai eauna auna noai geva magaia aunilimalima nauri elerai. Namu evanamona Veaa Palauna na peva magaia veunagi auri e peroveta auri elerai, ila everigi gerevagirao eulavunu ulana na. ⁶ Auna auna vevunina wara era, vevaa vua auri ila Keriso veleavana,e auniparai ila maauavari, Iesu Keriso thaonai ilagavu pige wareri vali namana thaona na. ⁷ Thau evali namana gena ulavunu auna, Palauna gena veveni e veuga iavurai evenikuo gena ulavunu iavunai. ⁸ Thau elekuai-lewana Palau gena veaa auri thaorai thau kapivagiku-evewaa eve veni agiao, vevaavua auri pana wapaa veniri Keriso gena noai gerawalirana rinaa ri, ⁹ pe ia gena uamagi pana ole raia mathaai, aunilimalima mapara elerai-rigolo vogo vevuniai emia wai Palau thaonai, auna na egau maparari ealarao. ¹⁰ Euamagi wara rupu thaorai geripathao pe,vevai auri e aukakamuri kupai pige ripa Palau gena thoneka vogo vagina geripathao. ¹¹ Eolema ewalao ia gena kupa uamagina gelegelenai, iana eva guguluao ia gera vele Iesu Keriso thaonai. ¹² Keriso thaonai ia nuagaua e tharapara ma vaigaua arawaliani repana ia gera veva auna auna pakunai. ¹³ Gaurai thauna mui anogimuini, pigono moira, repana thau avi vini mui pakumuiai, wara mui gemi verele gauna. ¹⁴ Egau pakurai thau auialini ia amari elenai, ¹⁵ numa auri maparari kupai e alimaparai tharari avaorana. ¹⁶ Thau aveni vuavuani pe, ia gena vewaa rinaa rinaa rana pene vailigamui pigo iavu, ia palauna thaona na, palauna rau vagi thaomuiai. ¹⁷ Thau geku veni vuavua thaorai Keriso mui thao muiai pene alu veva aunaauna thaona na pe,gena ulamagiai lamulamu mui pige veole. ¹⁸ Pe mui pigo uamagi ripa Palau gena veaa auria ila, thavana raagau, mawana, thaana,e ropuna, ¹⁹ e Keriso gena ulamagi pigo ripatha, ulamagina noai au vagelegelena, thaonai Palau guguluna na pene vavonumui. ²⁰ Palau peiatha thaonai, iana anogi rana pa auamagirana ia gena iavu ia thaorai emagaini gelegelenai, ²¹ ia pevanamatha rupu thaonai e Iesu Keriso thaonai ulu mapara parari geria pene thao vanagi vanagi. Amen.