¹ Melo mui ianamui e amamui karori pigo amonagiri velegaua thaonai, repana e rakwanai. ² ''Mui inamui e amamui pigo vageleri'' (rova reparepana ma ilagavuna), ³ ''pe ia pene mia nama elemuiai e gemu mauli gagovana pene rau alimaparai.'' ⁴ Amana, melo thaona poono vavia. namu ia pono mirage agia vevathaoneka e Palau gena vevaripa thaonai. ⁵ Veva aluoa aumui, alimapara veleri geria goulavunu nia auri karori pigo amonagiri vemathalagiai e venuarage agiai thaomui auna auna rai. Karori pigo amonagiri, Keriso karona poro amanagia veaina. ⁶ Nori gealuni vilarai, karo veamonagi pigo vamagaia avanai pige verele, namu Keriso gena auri veaina, Palau gena ririwa thaomuai evamagaiani. ⁷ Thaomu maguguluna na pono veala veveni, no Keriso oalaveniani nori aunilimalima, ⁸ repana ia ripari riai alanama pene ala agia auna gavuna namana velegaua na pene venia, lewana ia vaalu au pa noaia. ⁹ Alimaparai goveleni, aumui gova ulavunu rana auria mai veaina mapigo vageleria. Pigono vakaliri. Mui ripamui goi enai vele namu goi pono ripa goi gemu vele kamuna vagi pe kupai, wanai au apua genana na peene thao. ¹⁰ Ikanai, Velegaua thaonai pigo iliga ia gena iliga thaonai. ¹¹ Palau gena veali rapuari maparari pigo ole auri, pe mui pigo rua kikilagi satani gena uamagi euamagi rana uamagirai. ¹² Repana ia gera veaolea wara nori aunipara e lala elenai, namu palauai alimaparai geveleni, iavuri,e alimapara muuna na thaguguna,e temoni raraavari geria iavu kupai gealuni gauri elerai. ¹³ Gauri pakurai Palau gena veali rapuari maparari igo ole auri thaamuiai, pe raava muina pigo rua vila agia, gau maparari mulirai, pigo rua kikilagi. ¹⁴ Pigo rua kikilagi, auna auna kapamuiai pigo walo aua, alathakwa thakwa koma muiai pigo olea, ¹⁵ vali namana maino na pigo thoa agia. ¹⁶ Olema irauirau thaorai veva aunaauna malina pigo vua laaia, pe satani gena taraki irau irau maparari pigo vawairi. ¹⁷ Nama vewaa vewaa na repa gauna pigo olea repamuiai,e Veaa Palauna gena veali pauna,Palau gena thori. ¹⁸ Veni vuavua maparari e noginogi, palauai pigo veni vuavua ora mapara rai. Ikanai, pigo veia ma mailigamui na, Palau gena aunilimalima veaa ri geria goveni vuavuani thaonai. ¹⁹ Thau geku pigo veni vuavua, thau orina thori waua evenikuni muruku pana alapaatha thaonai. Pigo veni vuavua orina, vali namana aunaauna na vevunina ailagiraiani. ²⁰ Evali namana pakunai thau aveleo lekeani ai gerogokuo, ana thoria pana iwa thaonai mailigakuna pana thoria. ²¹ Tychicus, vewala ava ulamagina e Velegaua thaonai veva aunaauna gugulu veunagi auna na,gau maparari pene vaila mui, thau olemaku ari veaina. ²² Thauna ia mui pauu venimui egauri pakurai, pe mui pigo ripa thai olema mai raa veairi, pe iana mui thomui pene vailigari. ²³ Maino wala ava maparamui gemi,e ulamagi maveva aunaauna na Palau ia amari e gera Vele Iesu Keriso elerana. ²⁴ Iesu Keriso go ulamagiani thaomui noai kepikepiri auri maparamui thaamuiai vewaa pene mia.