Chapter 5

1 Eto ungo mama ta osa ari meniundi,avo eto mama ari auo hamo eto evujo. 2 Eto keriso na ungotena osa ue hamo amita avo mama ta degi peniha munete avo ikena.God ta kito,tunga javotoho ena.Avo eta ungote osari amina,ungo tihi jigoja evujo. 3 Eto ungo mama ta embomeni avo eto,tiha paiha,sesena sasapura,uje neite neite,amina ungota irari javotoho avo eto,ke sasapura erimana ungota degi mane erito pajiresuja. 4 Eto nei ke tongopa ganini sasapura aige amo ungo na mane jigama aisova,te mamo ta degi osa jakeka ari ta ke avo pere evujo. 5 Eto ungo kogova, amo tiha paiha embo,eto eto ari sapura ari embo eto donda uje isapamana ari embo,amo donda na amita mama eaguja, eto embomeni aingeko amina keriso ta tihi jigari ta mane horeto mama ta dedi hotari humbasora. 6 Eto mama ta ke agi ae ue,ari avo ari embota degi,mama na tumo penivahi be aisuja,avoeto embo amuna ari sapura aisova,ke sokova na jo kajasuja embo amina ke mane ingesuja. 7 Embomeni ainge avo tovujo oenga tinheto iresuja. 8 Eto ungo mahu mumeta irari embomani rate,bada ta embomeni eagova amina usasa ta horesova avo eto ,usasa ta embomani ta ari hotembeto tovujo. 9 Usasa amo javotoho ikasuja,amo ke sokova aita irae,ke be ari javotoho ari ikena avo hambasova. 10 Avo eto ari derami uve avo bada kito tunga jahotoho aisuja avo eto pari evujo. 11 Eto mume ta ari amo be ambu.avo eto ari ainge mane aisova te tovujo,eto ari sapura be arahata puvuroi embo meni na kesora. 12 Eto enana ta ari ogikari ta eagora amo me keisora.Avo eto ungo amina mumeta avo usasa ta puvuvujo. 13 Eto ari tapa humbuto usasa ta ikau irokova amo ari amita tombu hajire be avo kiagora. 14 Amo usasa amina au ari tapa usasa ta eaguja ami ta ke amo aingeto kajari miha,umo evari embo peharita eto erito keriso na no hamo ta gaihiro usasa aisuja.ke ainge meha. 15 Avo eto irari ungota avo simba evujo,ungo kiae kiae embomeni mane ra,ungo kiari embomeni ra,irivujo. 16 Eto iji oroho sapura avoeto ari jajavotoho derami aisova avo jombure evujo. 17 Eto ungo uha irae embomeni na arako avojo. 18 Eto ungo jai indito kava aisova amina ungo sapura aisova avoeto,ari avo toto ahihi otohu na tihi jigoja simba evujo. 19 Eto psalms mamo ta kajari mimia amite eto haveni otohu amite,amita ke humbuto ke mine ara ijie jo tapa na bada jakeka ijie evujo. 20 Eto bada iesu keriso ta javo ta donda tapa eto ari tapa avoeto,mamo ta degi osa evujo. 21 Eto ungo keriso otohu ere ova avoeto agi mine ara evujo. 22 Eto ungo airi na bada ta ke agi eagova ,ainge dombo ungota ipone ta ke agi evujo. 23 Eto keriso hamo amita na Ekalesia orekena avoeto tihi jigaguja ainge dombo ungo ipone na airi tihi jigivujo. 24 Avoeto Ekalesia na keriso ta ke agi eaguja,ainge dombo ungo airi na ipone ta ke agi inono ta evujo. 25 Eto ungo ipone ta degi erena eto Keriso na ekalesia osa eto hamo amita avo ikihe pehena ange dombo ungo are osa evujo. 26 Eto keriso na amita duru javotoho eto amita bapataito ari umo amita ekalesia egeto hande javotoho be mamo ta degi ikena. 27 Eto ainge ena amo amita ekalesia amo kiari sago javotoho be sapura tongopa tapa irae donda javotoho be avo nau hunde ra ijie humbuna. 28 Eto embo na osa eguja amo hamo amita avo osa eaguja evoeto ungo embo na hamo ungota osa eagova ange dombo ungota ari osa avo erena. 29 Eto ungo kogova amo embo na hamo tohota avo uje ae ari erara embo tapa na tohota hamo osa ue indari indie simba egora, eto ari ainge dombo Keriso na amita ekalesia simba eaguja. 30 Eto ungotena amo Keriso ta hamo amita utukoho hamo uhu ra. 31 Eto mamo ta ke kajari ta amo ke einge mihia eto embo na avoembo amita emamo toto pambuto ae ga kajueto amiga visi. 32 Ainge mihia te na kogona amo Keriso te amita ekalesia te ta timu hatirari ke ra. 33 Avo pere mane ungo ipone na hamo ungota osa eagova ainge dombo airi osa ururovo airi na ipone humota aisora amita ke ra.