Chapter 6

1 Ungo meni isasaraho mama te aja otohu evujo eto bada hera evujo, amo re javotoho ra. 2 Mama te aja te otoho be evujo amo re bada ta ke pepeni amita jota ta miha. 3 Avo aisoa kito umo javotoho enda ta ta iji koso iresoa. 4 Mama no meni degi ke sapura aojo, toto bada ta kena no meni ojekahejo. 5 Eto pure embo umo no okose avo hera javotoho ejo, no jo aemana no bada tonga humbujo aingeto eto erejo. 6 Eto be otoho ejo no okose na umo kogurou tihi ta pureasi aojo,te no jona pure ejo. 7 No jona no bada ta pure ere oa angeto ejo enda embo ta pure oa angeto umbaojo. 8 Eto embo ami na embo neita degi javotoho eaguja, 9 Okose,no pure embo javotoho na simba eto ao osaga aujo eto God na uhu ita eka suja. 1 Eto God ta isoro ta aomo avo asuketo heteto ahihi sapura ga isoro aisova. 11 Eto isoro amo hamo te sasaga te amiga isoro mane aisova, te ende ta sasapura ami ga isoro aisova. 12 Eto isoro amo hamo te sasagate te amiga isoro mane aisova te enda ta sasapura ta tihijigari iragora ami ga isoro aisova. 13 Avo eto God ta isoro aomo avo asuketo heteto ahihi sapura isoro asova. 14 Avo eto erito heteto no kebeari avo no uhu tiga eto no javotoho ari ta beha avo jigito hetejo. 15 Eto no utu ta goru asuketo eto ke otohu javotoho avo asuketo sija ejo. 16 Ainge eto no humota ari avo no beha ainge eto jigijo.Ahihi sapura ta ji vevere amo peikasoa. 17 Eto no javotoho ari amina, uhuta kope asukejo ,eto ahihi otohu ta ke aujo.No hasivo avo jigijo. 18 Aingeto iji mahinge Bada ta degi ta penunu ejo.Ahihi ta sovera ari na heteto iji tutumo asi ereua. 19 Eto na embo God ta degi penunu evujo ahihi hotohu na kejavotoho nau degi ta ikau ungo ta degi aisona.Avo eto na embo God ta degi penunu evujo, 20 Eto na God ta duru javotoho hande ari embora te,na chain na pundurari mihe ke erena. 21 Tychicus,nau tunga humbari namei Bada ta pure ari meni.Bada na do tapa ere ona amo au ingesora. 22 Nane,emore ikehene pambuha no degi ta,dago daingeto mehera avo au ingesova. 23 Nau naname,God ta tunga humbari,osa ari eto Bada iesu ta javotoho ungoga iresuja. 24 Bada iesu keriso javotoho eto amita osa ari te tunga humbari ungoga iresuja.