1 Eto na bada ta pure embo avoeto tipura mihana kito,na ungota degi erena amo God na ungo ehate.Jage eto umbuna iji aingeto irovo ena. 2 Umo embo javote ke ijie mana mana aisova.sausau erito hinikambari mane aisova eto namei ta ari nane ururou kito mane urumbasova te osa evujo. 3 Eto ahihi otohu ta peka na ungo ajeketo pundurari iragova avo ungota jo tapa na simba evujo. 4 Eto ekalesia neite neite irae rate ekalesia vahai eto ahihi otohu vahai.Eto God na iji puvuro ungo jage asuja amo ungo tapa vahita-aisora. 5 Eto bada vahai hotembihe ari vahai bapataito vahai. 6 Eto God amo embo meni tapa ta mamo.Donda tapa ta Bada avoeto donda tapa eto embo tapa ta jo ta mihe pure eaguja. 7 Eto ungotena embo vahai vahai na keriso hande ikari embo be amita degi ahihi ta sovera ari hande eto humbasova. 8 Amita ke amo einge kajari miha.Amina isoro eto urumbeto vihito embo menita degi hande ikasuja. 9 Ke ainge miha,kito keriso na uhu i beta vehena amita be amo keriso na uhu i beta veto enda kovari jo ta vena. 10 Eto keriso enda ta vena amina uhu i beta vehena ahihi amita na uhu te enda te tapa enete to iraguja. 11 Eto keriso na embomeni ta degi ikaguja amo nei amo apostero ara ikena nei peroveta ara ikena.Nei amo god ta ke hande ara ikena ,nei god ta embomeni omena ara ikena eto nei ambo ahe poekari ikena. 12 Eto hande ainge amo God ta embo meni tapa na keriso ta ke agi eto pure ue,Keriso ta embo meni ari jovotoho ue pajirora ikena. 13 Avoeto ungotena na God ta meni be avo kogue humota ue embomeni vahai eto pajito embo be eto keriso ta hajire vahai aisora. 14 Eto ungotena meni isasahoro mane aisora ahepoekari embo na sapura puvuto embo tihi jigesuja ke gamo sokova te ungota ai ta mane humbasora. 15 Te ungotenau osa ari ke be pere jigama ue keriso ungote nau tihi jigari embo avo simba asora. 16 Eto keriso amo siro hamo uhu tara amo yahari,Eto ungotena osa mine ara ue pure aisora.Amo hamo ta popo aigeko asoja. 17 Eto nau bada ta javota erena ungo God kiae embomeni amita ari avo ambo avojo ena ta hotembari amo ke be hotembasora. 18 Eto enana ta kiari amo mume ta mehare eto enana jo ngahia amina kiari iare avoeto inena God ta degi vasiri eha mane umbasora bera. 19 Eto enana amo ari sasapura kaiketo asi uje penivahai eora te me kiari avo irae ra. 20 Eto keriso na aihepoku ai ta amo ari sasapura ainge iraera. 21 Te ungo amita ambotani ta degi ahepokari ingihana amo isu ta ke avo pere inghava. 22 Avoeto ungota irari mahu amo eribo tongopate aingera ,houketo gosuraroirae asuja.Amo ungota hamo ta irari mahu na uje sasapura amita na amo eonga sari aheja. 23 Eto evu God ta ahihi otohu na au ungota hotembari jo eha aisova. 24 Ari eha bo eha avo ue irivujo,eto ari eha aita amo God ta tombu hajire vahai ai ta amo ka be otohu ta embo na umo kiora. 25 Avo eto ke sokova tapa tovujo irae ai.Ungotena kerisota jo ta avoeta hamo visi vahai avoeto,Iesu ke be ari embo .Amita degi pure benapere aisuja. 26 Eto umo tumo ue kito amita tutumota ari sasapura mane asoa te mume ai mehero ijita no tumo avo ejo irae ai. 27 Eto satan na umo engekata ikesi ue avo eto simba ejo. 28 Eto mahu pegene embo ari avo toto ingeni no amita na pure eto koro humbuto ombari asari avo ombujo.Simba ue embo dondo irae avo hondate evujo. 29 Eto isembari ta ke avo toto ke javotoho na pere ijiro embo na hondate aisuja avo pere evujo. 30 Eto ungo God ta toho amita hajira amo amita ahihi hotohu ungo ta jo ta miha,avo kogue God na ungo oreka asuja iji puvu to ere hua. 31 Amo jo memega ,ujeje sasapura,tumu sisire heni kambari tapa avo toto erari jovotoho na pere erivujo. 32 Osa mine ara ue irevojo.God na tohota meni ikenu puvuto no sasapura avo embo pehani.Avo eto namei ta sasapura hotembeto tojo,keriso na mine sasapura no mine hotembeto toisuja.