Chapter 4

1 Tunga humbari,ahihi tapa humota awojo.Teho eto kiari ta iketo kijo;ahihi amomo Mama hena eto puvuhoi te!amita be amo,embo isapa mane ke sokova ije enda eita hembuhora awo embo. 2 Ainge eto Mama ta ahihi be amo keisoa-ahihi damina Bada Iesu amo hamo visi te puvuna eria God ta ra, 3 ahihi damina Bada Iesu awo kahae ere ua amo God ta mane ra.Emo ahihi embo sapura amita na ere ua,puresi ari ke ingari amo mahu puvija evira,enda ta. 4 Umo re God ta degi eto puvurari ra,nau meni,ahihi no jo ta amo sovera peniwahi bera,enda ta ainge mane ra. 5 Enana amo enda ta tohora,awo eto do eagora amo enda ta awo eagora,aravo eto enda na ingagora. 6 Ungotena amo God hena eto puvurari ra.Amina God koguha amo ke ere ingiha.Amina God ta mane re ungotenau ke ingae ere ua ra.Einge ta keisora ke be ta ahihi eto sokova ta ahihi. 7 Tunga humbari,ungote tunga mine ara humbare,tunga humbari amo God ta ra,amina tunga humbaguja amo God hena eto puvurari eto God amo ere koguha. 8 Embo amina tunga humbari irae amo God kiae ra,wahi God amo tunga humbari ra. 9 Awo eto God ta tunga humbari ehi kogu mahera,ungotenau degi ta.God na tohota meni wahi awo ikenu puvumahija enda ta,ungotenau irari awo embo. 10 Aita amo tunga humbari ra,ungotena na God tunga humbuhora awo manera te,God ta tunga humbari na tohota meni ikenu puvuto sapura ungote nau awo humbuna. 11 Tunga humbari,eto Mama na ungoten tunga ere humbuha aige,mine ara tunga humbuvujo. 12 Embo amina Mama God kiae ra.Ungote tunga mine ara humbasora amo Mama amo ungote nau jo ta iresuja eto tohota tunga humbari amo ungote nau jo ta iresuja. 13 Einge ta keisora ungotena tohota jo ta eto amo ungote nau jo ta,wahi tohota ahihi amo ungote nau jo ta ikari ra. 14 Eto ainge dombo,dago kogumahera tihi dago ta na Mama na tohota meni awo ikenu puvuna enda eita,umo na arawo oreka-aja. 15 Amina Bada Iesu awo God ta meni ainge eria,God amo tohota jo ta miha eto amo God ta jo ta. 16 Eto ungote kiagora eto Hotembari Mama ta tunga humbari ungota nau degi ta amo peni wahai be ra.Mama amo tunga humbari ra.Amuna tunga hubari jota miha,amo Mama amita jo ja ra. 17 Avo embo tunga humbari evi avo ehae penivahi umahaja ungote nau degi ta,avo embo ke kasari iji te amo sovera eto hetasora amita be amo javotohora,ungotena amo ainge dombo ra enda amita. 18 Tunga humbari ta oju irai ra,rate tunga humbari javotoho amina amo oju auo irasuja.Wahai oju amore ke kasarita i kasuja.Amu na oju asuja amo tunga humbari ta irae ra. 19 Ungotena tunga humbagora amo Mama na kihi ungote na tunga humbu hija avo eto. 20 Eto embo nau na,a Mama tunga humbu hena ijie tohota namei tunga humbae aisuja amo sokova embora.Amuna Namei kiaguja avo tunga humbae amo Mama mane tunga humbasuja amo tohota namei tunga humbasujaamita be amo Mama kiae ra. 21 Eto amita ke peni vahae re evira,amuna Mama tunga humbasuja.