Chapter 5

1 Embomeni, Bada Iesu kembe keisora amo God na uhu ita ve arira eto Embomani amuna Mama osa ere ora amo Meni ga tapa osa ere ora. 2 Avo eto ungotena kogora amo God ta meni undi osa erora,eto God osa ue tohota ke dombo be avo ambo ambo erora. 3 Eto tohota osa ari amina tohota ke dombo avo eto iragora,eto amita bouka iraera. 4 Eto embo amuna God ta degi puvurari amina enda amo iketo ahurekari ra,eto javotoho ari amite humota ari te amina enda amo iketo ahurekasora. 5 Rate embo amuna enda iketo ahurekau?amo ainge mane ra te Embo amuna hotembihe ra Bada amo God ta meni ra. 6 Emore embo dombo be amina puvuna eto umo te orosate amo Iesu Keriso ra.embo amo umo pere puraera te,umo te orosa te tapa.Avo eto Ahihi Otohu na harikaguja. 7 Eto embo tapa heriso nei vahai amina harikasora. 8 Eto Ahihi Otohu te,orosa te,umo te amina aingeto avora ari re ikasora. 9 Eto embo na kito harikeore ingagora amo pepeni mane rate God na kito harikasuja amo peni vahai bera eto harikari amita amo hajire heriso nei vahai ehena aravora. 10 Eto embo amina God ta meni ke be ae,aisuja amo hajire heriso nei wahai erena amo amita jo ta iresuja. 11 Tihi na kiari re evira:God na daroho irari ta wasiri ikena,eto wasiri amo re tohota meni ta degi miha. 12 Amina Meni awo tohota jo ta miha,amo wasiri irari daroho irari awo ra.Amina God Meni awo tohota jo ta irae amo ari wasiri,irari daroho amo irae ra. 13 Nane ke erevi ungota degi hahari eto ere ikihena amita be,amo irari wasiri daroho awo iroa ije ikihena-umo amina Bada Iesu,God ta meni humota ereoa amita degi. 14 Ainge dombo,dago humota ari gaiha tohota degi ta earora,deram tohota degi eto ingari ereora tohota uje ta,amo ere ingiha. 15 Eto ainge dombo,ungote humotari na amo ere ingiha ainge hotembihera-do eto ingihera amo ikasuja.Deram eto ingihera amo. 16 Amina tohota namei sapura embo mane pehagora uru koge kito amo pare aisuja,au God na tohota sapura amo hotembeto toasuja.Amo sapura embo pehagora awo aera.Te sapura embo pehagora amo miha;na amina sapura awo embo pare aji aera. 17 Ari wasiri sasapura amo sapura ra,te amo sapura nei nei amo pehari mane humbuto puvura guja. 18 Ungote kogora,amina Mama God hena eto puvurari sapura amo mane eaguja.Amina God hena eto puvurari amo oenga simba aguja,ahihi sapura amo mane tatave aguja. 19 Ungotena kogo ra amo God ta meni undi ra,eto ungotena kogora enda amo ahihi sapura amina simba earua. 20 Te ungote kogora God ta Meni na puvuto awo kiari eha eto wasiri eha awo ikena,ke be awo kiora.Ungotena re ke be ai mihera,Bada Iesu keriso ga.Amo God ke be eto daroho iraguja. 21 Meni hatira,sapura awo tiumbevujo.