¹ Embo Melchizedek, Salem ta siro, Mama ithare pe ta amita pure embo ami Abraham re thambuto ,enda ta siro embopo avo tekereketo overeketo vuvuto foi amite akari avo hijina. ² Abraham mi avoseketo tota petapata avo ingere ethotho ta theka ai overe mine hijina.Javo amita kithi pere ''akakari ta siro'',te ''enda Salem ta siro'', amita ke susu re ,''Peka ta siro''ra. ³ Embo amita mamo mihae,aia mihae, ufifi ta sisimo mihae ,ingari ta iji mihae eto ambure ta iji parako.Kuthureri avo Mama ari embo ta meni,amita ansa humbarako ena,maha angato, Mama ta pure embo eto mehetuja iji natofo te. ⁴ Rate embo evi pemi aise eto fuketo ketora,ufifi ta pajikari Abraham mi ingere ethotho ta theka ai overe hijina to-ta amundu isoro ami eto parena avo. ⁵ Levi ta undimeni Mama ta pure embo avo ue ingere ethotho ta theka ai embo ta overe avo ofora,eto eni avo totofota nane-nameni amitai ofora,rate petapata avire Abraham ta ve ai vuvuhara. ⁶ Rate Melchizedek amita sisimo enana kao manera ami Abraham ta ingere ethotho ta overe avo humbuto thoro avoseketo Mama ari embo ta akakari ando ai kokoumbari embo tae akari avo hijina. ⁷ Rate ei avo pengu mihae ,eto embo javo isoho te amitae embo javote ami akari avo hijina. ⁸ Ei avo enda embo mi overe ingere ethotho avire ufora te kuthuriri ami ija re embo avire maha natofo amiha. ⁹ Ke ta tho ai re,Levi mi overe avo humbuna ,angato nongo overe avo hijina Abraham ta jo ai. 0 Amita hajire avo Levi re tofota aku ta ando sasaha ai mihinu Melchizedek embo Abraham re thambuna. ¹¹ Avo eto akari ari avo Levi ta sisimo amita pure ta themba ai re embo petapata avire ke ta hambaru jo ai ra,eto torato Mama ta pure embo eni-en mo hijoro ukaja,embo Melchizedek ta ve ai,angato nongo Aaron ta ve ai mo? ¹² Mama ta akari ari ta pure embo avo afimburuja kito re ke ta hambaru tikeri avo parako afimburuja. ¹⁴ Ufaha kora Jesu avo Judah ta sisimo ra,eto Moses ta ke kajena ai re Mama ta pure embo ta pine avo mihaera. ¹⁵ Eto pe ufaha uja,Mama ta pure embo eni ukae ehija Melchizedek iteko. ¹⁶ Mama ta pure embo aja,ando visi ta sisimo ai mane rate,natofo meheri ta ivo ami. ¹⁷ Ke pine ami kuthuja;''Nimo avo Mama ta pure embo eto natofo mehetoa Melchizedek ta ando ta kambari angato.'' ¹⁸ Eto ke ta vevere kithi ta avo afimbatuja amita pe re ivo ambu eto wuthi ra. ¹⁹ Enda ta ke vevere ami akari humbuto vuvurae ra,eto thumotha akari avo kuthuja,amita jo ai Mama tae pambari ta reki avo. ²⁰ Embo ufo avo Mama ta pure embo ea ke thumotha ta jo ai mihae. ²¹ Rate Jesu avo pure embo ena Mama ta ke thumotha avo engato ie hijina,Mama ithare pe ta ami amundu hijija avo siro mane humbuto avosekatuja.''Nimo avo natofo ta pure embo ra.'' ²² Amita jo ai parako Jesu avo natofo meri akari amita pundureri ta tofo uja. ²³ Mama ta pure embo-meni kithita avo ethekari pemi aise ra,amita pe avo ambure ami natofo pure ue meheri atheko avo kafukari ra. ²⁴ Rate Jesu avo natofo amiha avo eto re pure amundu Mama hijiei ufaja avire natofo te jikito meheti uja. ²⁵ Avo eto, kosari re humbatora embo avo Mama ari embo ta athe ai pambati uja avire amita pe avo tofo re enana amita javo ai Mama tae ereto pinunu ija. ²⁶ Kosari ta pure embo angari avo nangota tofo ra, embo avire otofu, eto ke meme ami pundurae ra, tokopa ambu, sasamuna embo kao thane hijeri, unga senikari ithare pe ta. ²⁷ Kosari ta pure embo amita siro eto sasamuna kuvinekari ta ara-ira avo mane ivito ereto, atuja sasamuna tofota ami sasamuna petapata avo iji tapa pe ami kuvine kuruja. ²⁸ Kosari ta pure embo amita siro avo enda ke ami pundureri amita themba ai avikari avire pirisa eto mihaera. Rate thumotha ke ambo ai vuvuhaja ami tofota meni avo aviketo hijoaja, eto amita tokopa ambu iji natofo meheri ta.