¹ Eto eha toatora ithikarita Jesu pine avo toto aihe eha atora. Embo be ta ari ai nango toro overeketo susu ai samuna vujekari eto pure ambure ta avo toto eto Mama ta thumotha ai. ² Athepoekari umo ai vari ingere ta siro ai tembari, eto ambure totothoro erari, eto ijikathari natofo ta. ³ Nango thoro atorate Mama mi amara a-au. ⁴ Evi thoro ari atheko mane, enana maha kithi tithi kari avo tapai ungata overe humbua eto avo ahihi otofuta overe humbuto hande pondo ea. ⁵ Eto avo Mama ta ke aka ri humbuto mihirou iji kombu vuretuja. ⁶ Rate avo thouketo pambuhai, avo thoro vujeketo ari atheko mane ra. Amita pe re Mama ta meni avo i-ifaira ai eha peto torora, eto tithi ofai amita me keri hijora. ⁷ Enda ai vatiuja umo vovouja avo mindija, eto ami thirikuruja i ave akari avo embo jemi enda avo kuvine kuruja ai, Mama ta akari avo ufuja. ⁸ Rate enda jei pe hijuja, siriketo avo be ambu eto epokari ta thane ai ra. Amita tutumo aire undukari ai amiha. ⁹ Rate nangore ningota akari avo kothora eveva pere, tota natofota amita thane ai, hea peto ke ingato orere to. ¹⁰ Mama re samuna manera nio pure tona eha hanaina ka javo amita avire mane jene ambu atuja eto embo ototofu ta aki eaora avo eha peto enana aki ora. ¹¹ Nango ainga pemi uje ora ningo tapa ami hajire tapa avo ima akopai imburu kari tutumu ai, eto ao nio thumotha ari avo ke pe ai. ¹² Amita pere nimo avo mane pekeke thambatoa, rate keika atora avo kepe ami thumotha ue jamo ari amuntu avo humbarae a-ari avo humbarae. ¹³ Eto Mama mi Abraham ta ati ari ke ena, eto ingere ufaja tofonuha, amita jo aira embo emi ithare ai sinikari ami kao ingere humbari atheko mane. ¹⁴ Nuha ija nau keri ai ningota akari hijetona, nane thoro ano pemipe kaseto pikini katuja nimo avo." ¹⁵ Reki ei Abraham humbuna tona avo hijeti ke harikena avo sandipeto kuma mihae. ¹⁶ Embo eni ufo totofo pe avo toto embo eni javote ta javo ai ke harikorora. Eto tutumo ai enana peungu eto ufora avo kepe uja. ¹⁷ Mama mi uje pe eto au ufa pe ajae avo hajavaja mo humbarae ke harikena akaripe avo thoro avo sekari athekomane, nuhake eni eto ke findukena. ¹⁸ Evi ena avire tota ethotho avo thoro avosekari atheko mane ai eto Mama sokova mane atuja nango avo avo pojeto reki eni ai orekati ivo pe ami thurukari etojikito iji kombu aimo amuntu avo mehei avo kore . ¹⁹ Nangota othembari ethotho orekari eto thumotha ari povute ahihita, eto eni avo jope ai thora tuja ansa po ami peikari amita ku ai. ²⁰ Reki Jesu pambuna nango ambu kithi thore na nagota javo ai, amia ansa hitharepeta natofo pe avo humbuna Mama ta pure embo pepemita javo ai evire embo javo Melchizedek ami ke hariketo ena.