¹ Embo petapata amita jo ai Mama ta pure siro embo avo aviketo hijora avo embo pure ajae ,amita pere pure siro embo ami nangota to-ta humbuto vuvera avo nangota sasamuna avo embo ii ai fukau evekajae. ² Pure siro embo ami tame pe embo avo ufahai sasamuna ami punduriri amehera eto tofo parako amita jo ai amiha avo eto. ³ Avo eto pure siro embo aviketo hijoara sasamuna embo ta eto tofota amikao ingaja ue. ⁴ Eto pure siro embo ami javo pemi humbati aera. Avo taraketo God Mama mi Aaron jake ena angato. ⁵ Reki tapa angato Jesu re pure siro embo eto javo pemi humbati aera eto Jesu ta ke ie ena, ''Nimore nau meni ra; iji eha emi namore nio mama ona." ⁶ Ke eni ai engato ija:''Nimore pure siro embo siro iji natofo Melchizedek ta ambo ai jithuthukatoa. ⁷ Enda ai mihaja iji te amita eto si sisivu kao Mamo ta arerembeto au ambure amita avo orekaja eto amita meme avire ingikuraja eto amita pere enda ai mihaja avo eto. ⁸ Eto Jesu re Mama unga embo ta meni rate enda ta ujiji avo aki eto meme re humbuna. ⁹ Meme eto ambure amita ami eveva pe aja eto embo avo amita ke aki uja ami kusari natofo avire humbatuja. ¹⁰ Eto Jesu re pure siro embo eto Melchizedek ta ambo ai jithuthukuraja. ¹¹ Nangore ke insa-anse ari atheko rate ningotae isisato atora avo povu uja. Amita pere ningore ingeri atheko mane ra. ¹² Iji eha emi ningore kuthuriri embo ari atheko rate embo eni-eni ami Mama ta ke insau avire kuthurou kove. Ningore minderi safufu ai mihaera ,ningore emi ai ameheva. ¹³ Embo avo emi ai ameha kitore, Mama ta ke pe akakari ai ae tumbae oa amara.Ami ija re nimore meni isoho ra. ¹⁴ Rate minderi pirisa ai ameha avire embo pe amita ra maha angato akari te samuna te avo kouve vuvuto auforora.