¹ Avo eto , nango mane joru atora , nangota Mama ta meheri jimokari na ai thoratora ,rate nango eni ufore thorari atheko manera. ² Nango Mama ta ke pine akari avo here ingikurora angato. Rate enana Mama ta ke pine akari ami enana tae akari eni ae,amita pe enana re ke pe ari ami tapata ari ae ra. ³ Nango avo ,Mama ta ke pine otofu ingera eto ke pe hera ami ,Mama ta meheri jimokari nai re thoratora 'Namo ke pe ena ,ningo jimokari na ai mane thoratova ' rate amita pure re ambu aja . Ithikari ta eto tutumo ai uja. ⁴ Mama mi , enda umo , eto ukatha pakatha ena , avo ehei mihae ehei ami jimokena. ⁵ Eto thoro, ke thoro tapa ei, enana avo na meheri akari nai mane thoratora . ⁶ Ke angato amihija eni ufo avo thoratora, meheri natofo nai, eni avo mane thoratora amta pere ke ingae ara avo eto. ⁷ Mama ta ke pine akari ingukurara embo avire thorari atheko manera, totofa ta pivie thamota. Mama pemi amita ke akifo ae ora. Avo eto Mama otofu embo pemi iji tapa ami nimo jake ija eto angato iji eni-eni ami, aku David, ta iji te arira, "Iji eha emi Mama pemi amita aeke ingikurue jo ningota jo avo mane pirisa atova. ⁸ Eto peroveta Joshua ami nio jimokari mane hijetuja. Eto Mama otofu embo ami ke iji eni ami mane au ingetova . ⁹ Mama God ta jimokari iji arereketo hijerira , Mama ta undimeni avo embo hijina iji sabbath ra. ¹⁰ Embo avo God ta jimokari avo ufuja. God ta akakari ora ami akarire ufora.Mama tofo uja angato. Avo eto nango, eto kito embo eni-eni ami samuna tapa kao mane thoratiora ,nangota samuna thimbati. ¹¹ Avo eto ningote jumokari na avo havare. Emi ufo pivie ea angato atore. ¹² Mama ta ke otofu pe avo efembe ta tiko ufo -ufo te vekari,ami kiriri-kiriri eto jo komo ai thorati uja,jo te komo te ahihi te jethu vuvure eto othembari ami te avo ivaija eto keti uja. ¹³ Mama ta enda umo amita tithi ai unsukari mihaera kirikari avo Mama otofu ta tithi ai unsukae ra. Eto to-ta nansiko Mama otofu amita tithi usasa pe ami kouja. ¹⁴ Avo eto ,Mamo God ta meni Jesu,avo hijinu unga eto vuvuna avo eto nangota ke pe ari avo thuriato jiketora. ¹⁵ Mamo ta meni tapa amita jo ari ,orerari,nangota meme iji te,Jesu nangota kupi-kapi ,pekeke iji te, engeka ari iji te uketo thuri-thuri atora,aro Mama ta kusari eto jo ari avo nangota mohoi. ¹⁶ Ningote nau ivo avo jikito pambare arumba surusuru ansa ai hondate ari humbare.