¹ Avo eto nau nane name ototofu naungta jahjake avo hande eto Mama ta meri ansa ai. Jesu avo othembevo Jesu ta ambo tani eto nangota samuna harikari. ² Jesu ta kepe ari ami to fore ansa re hiaija Moses ena angato Mama ta oro ai. ³ Amita pere Bada pure atiuja avo kito eto tofo avo jamo-jamo eto tofo avo Mama kao inono kijo Moses angari ma ne embo oro mande tikukuruja ami javo pe mire u fuja oro pe avo manhera. ⁴ Oro petapata avire embo eni ami tikikuruja, rate to ta petapata amita kiri kari embore ra Mama ari embo ra. ⁵ Moses tofo ta ke pe ari asi Mama ta pure ari embo ena oro tofota ai, eto iji kombu ai tota amundu vuretuja ami ta ke ena. ⁶ Rate Bada ta ke be arimi Mama ta meni re ena eto Mama ta oro ai tithi re jigina. Nago Mama ta oro avo jikito thurithuri atora nagota ivo te haneina te. ⁷ Avo eto ahihi ofuto jengato ija ai ukeija:Iji eha, ami amita ke jikito. ⁸ Nio jo avo toau mane pirisa atuja nena na Mama ta ke jikou. Eto keri arako orei ai vuvuna iji te. ⁹ Ai nigota mamone ari enita kanite ue eto keri nanae humbuto vuvuaira, eto pure nau remaha kiara . ¹⁰ Jua 40 ta jo ai, avo eto namo enana ka hanaina ae ona. Nane ana "enana ta jo avire pe ai Eto nau reki re kiae ea. ¹¹ Eto enana kao thini kambari ora eto ke sasamuna ea. Eto enanare nau jangu humbari ansa ai mane thoratora. " ¹² Eto koko eto kivo, nane nameni ningo ta jo ta kepe ari avo toatovi nigo ta meheri akari avo othembari sasamuna ue toatove. Mama meheri ujiji akari avo toatove. ¹³ God mi avo taraketo ivo mineara uve iji petapata avo eha sira eto jo nio avo toao pirisa atoi ufaha ta ari humbari ami samuna atoi, meheri akari eto eha sira evo. ¹⁴ Eto nangore Bada ke thuthu ato jikito tapata are ithikari ta eto pambuto tutumo ai. ¹⁵ Evi embo maha arira, iji eha emi Jesu ta ai ke ingikorora kito jo nio avo toao pirisa ue ae kambae atoe. ¹⁶ Eto avo ingikuraja eto ai kambae ea? Egypt nai avo mane ufai vuvurae ara Moses kao? ¹⁷ Embo avo kao jua 40 ta jo ai God thini kambari mo ai? Eto enana mo ari sasamuna ae angato iea eraeathe ai ambo sirikari ra? ¹⁸ Eto embo avo taeke ariatheko mane a momo ai, mane jangu hambaru hijeri ansa amita thoraraeto ke ingae ara amomo? ¹⁹ Eha nango kora re, kepe ara ae ara ami jangu humbari ansa ai thorae ara.