¹ Iesu mi ungoda yei sisira,ingo embo nenei awa betae atise God da parara da goroba awa gadewa. ² Iji six ainde, Iesu mi Peter,james edo John budo doriri da ungo suka mambusera. Ainda Iesu awa kariwa nei goisera. ³ Uso ombari digari awa kariwa nei isira,parara be embo busu da mi segari sago ae. ⁴ Awodo edo awa Elijah de Moses bugudo Iesu ga ge sisera. ⁵ Peter mi ge mina Iesu da sisira,atopatari,ingana ewamei yei einda bugera,ungede arara three awodo adera,iso da,Mosesda da edo Elijahda da. ⁶ Ate Iesu ge mina sae etiri ungo oju isera. ⁷ Poroga mi wosedo ungo apurigurisira.Ainda joda ge opu eido bugusira," emo ne naso dubobari mei da bera.Uso ge ingiwo." ⁸ Ungo duduku edo burigibe kaveregedo aura isera te embo atae,ane Iesu da awa ungode atisira. ⁹ Ungo wosedo pero awa Iesu mi sisira,"ainda ro getewa awa sawo embo nei geore,atiroro mamo da mei betedo aradi ra. ¹⁰ Uso ge da ingido ambo ambo isera,ate ungo suka nganega isira ,betedo erari da be mo rori. ¹¹ Edo ungo mi Iesu nganega isera,agodari da babajigari embo mi Elijah awa giti bugarase sisera ainda be awa rori? ¹² Iesu mi ge mina sisira,Elijah ne giti bugudo yei sia adira.Roembo ge gaie do mamo da mei mi bouga berari awa barase siseri edo ondoro mambarese siseri? ¹³ Ate nanemi Elijah da sena ne,imo bugeso embo berari buro ro adi etera awa isera,awodo ge da gaiari atira. ¹⁴ Edo ungo ungoda nanonamendi gadi budo embo usedo ge bagise atero gosisera. ¹⁵ Iesu bugiri gido ge atae edo ungo berari sumbudo umo atega isera. ¹⁶ Umo bugudo uso ambojimbi nganega isira,ingo noda tamonda ge bagevi? ¹⁷ Embo da aida joda amimi erido Iesu da sisira,atopatari,naso mei kumbudo iso yei da bugena. Umo asisi biae mi euri ge sadi jaredira. ¹⁸ Asisi biae awa bugudo uso tamonda vitido uso be da torido ge teptapo sedo eira.Iso ambojimbi mi odorose setena te ungo arikatogo ae etera. ¹⁹ ingo gebe ari embo mei ae ra,ge iji roinge sano ingevi? edo iji roinge ungo de buro eni? kumbudo naso yei da buguo. ²⁰ Mei awa kumbudo Iesu da yei bugusera.Asisi biae awa Iesu gido burigi be mei awa doturisira.Etiri mei awa busu da dudurisira. ²¹ Iesu mi uso mamoda nganega isira,iji tega raudo awa mei eiawa wasiri aiwa ise bugiri? uso mamo mi sisira,umo mei kiambu iji de. ²² Amimi etiri umo ri da pigadi isira.Imo buroro adi ise gido nago koteo. ²³ Iesu mi sisira,imo ewamei ta? Embo ave tumonda edeira aida ane rora berari ne isaga ra. ²⁴ Mei aida mamo mi burigi be gogo dimbudo sisira,na imo tumonda ena,na kondade eio. ²⁵ Embo berari Iesu da yei sumbero awa asisi bebegae awa ondisira. ²⁶ Asisi biae amimi mei awa etiri biae isira gido mei ane embo betari inge isira,etiri embo mi betari embo ge sisera. ²⁷ Ate Iesu mi umo ingo da jigiri eriri sira, ²⁸ Iesu mando joda toriri uso ambojimbi mi nganega isera,ungo de ro embo odae iteri? ²⁹ Emo ne tepo ondari sago aera ate benunu mi ondadira. ³⁰ Ungo aind edo ejegedo Galilee mambusera.Embo nei mi ungo mambutera awa georaka isera. ³¹ Awa uso ambojimbi atopapu tisira.Mamonda mei awa imo isuka embo da ingo da itari daro betadira,edo iji tamonde ainda ambo da sekago eradira. ³² Ate ungo ge awa manamana edo nganega ari oju isera. ³³ Ungo Capernaum bugusera.Ainda ambo da umo mondo joda torido awa ungo nganega isira,ingo ge ro sise emboro da bugevi? ³⁴ Ate ungo jamojamo isera.Ungo ne embo ave awa bajari ainda ge sise bugusera. ³⁵ Anumbedo awa ungo 12 awodo awa setiri bugudo dada etero sisira,ingo embo amimi giti adi sedo gido imo suka ambo beda itio. ³⁶ Mei kiambu kumbudo ungoda joda ititisira.Ingo da jigido sisira. ³⁷ Embo amimi kinapina simba adera ane naso yei da era,edo embo amimi na badera, ane embo na itiri bugusena embo awa badera. ³⁸ John mi sisira,atopatari,embo da mi iso jawo da asisi bebegae ondiri gido umo betigena ainda be awa umo ingana ambo ambo ae edira. ³⁹ Ate Iesu mi sisira,beigeose embo einda amimi naso buro nembogambo adira ane atae ra. ⁴⁰ Embo ave inganamonde okain ae ira ane inganaso ra. ⁴¹ Embo amimi imo umo itari indadesa ane imo ne Keriso da topo,ene gebe sena na wasiri eawa doari katogo ae. ⁴² Embo amimi mei kiambu aiwa oro uso gebe ari naso yei da awa doadira,embo bundedo ewa da pigo ro wosarira. ⁴³ Iso ingo mi ari imo durido gido,diugedo pigeo.Ingo da de wasiri natopo atari yei ainda mabadesa ane ewamei,ate ingo etoto mambadesa ane riawo da mambadesa. ^{44 45} Iso tei mi ari durido gido,diugedo pigeo.Ewamei ne tei da de natopo yei da toradesa tei etoto ne bouga badesa. ⁴⁷ Iso diti mi ari durido gido,keredo pigeo.Ewamei ne diti munju da de natopo yei da toradesa,diti etoto ga toradesa ane rida pigari wosadesa. ⁴⁸ Ainda ganeni ane betae edo riawo ne demonda itae. ⁴⁹ Edo embo berari ane riawo mi ewadira. ⁵⁰ Singina ne ewamei ra,ingo da joda buwo.