¹ Iji ainda awa sekago embo dombu nembogo be awa usisera,edo ungo rora ro indadera awa atae. Iesu uso ambo jimbi jawo sedo ungo da yei sisira. Na dubo memesi ena embo mei aiya embo,ainda be ungo awa matu namonde da atise iji tamode etera. ³ Embo mei aiya indari indae itano mambadera awa soropu da beji mi ambadera, ainda be awa ungo da nati awa ribori be ra. Uso ambo jimbi mi ge mina sisera,ingo de na yei aiyedo da indari awa rawodo budo embo mei eiyawa unduro inono adiri? Nganenga isira,ingo da yei da ambe roinge atiri? Setiri seven sisera. ⁶ Edo embomei setiri busuda anumburisera. Etero Iesu ambe berari seven (7) awa budo ategari itido awa gawedo uso ambo jimbida itiri embo undisera. ⁷ Da awo do awa wo tepo enombae ainda yei isira. Edo setiri ambo jimbi mi embo undisera. ⁸ Ungo berari indido inono be isera. Edo ungo indari ito sirigedo kandia berari ingo be da edo etoto awa burisersa. ⁹ Embo bebrari four thousand (4ooo) awa itiri ijigurisera sekago. ¹⁰ Bada bugiri be erido uso ambo jimbi de nga da sirido Dalmanutha mambusera. ¹¹ Ditijijigegari mi umo ga da ge bagisera,ainda be awa kariwa edo usasa uso yei gido. ¹² Umo matu goisira gido sisira,ro embo kariwa mo eura eri? Ge be nanemi sena itose embo mei ainda yei. ¹³ Awa edo ungo nga de benai da sembusera. ¹⁴ Awa edo ungo ambe buso bae sembusera ate,kera da be da awa budo sembusera,kumbudo ainde da mambusera. ¹⁵ Iesu mi ungo da yei sisira,gitijijegari bugadera awa dombu ise simba ewo. ¹⁶ Ambo jimbi mi minagara isera ainda be awa ungo ambe atae etiri gido. ¹⁷ Iesu goisira,ro embo ingo ambe bae ainda ge sevi? Ingo goroba aeta? Ingoda jo wowosita? 8 Ingo gadijarevita? Ingo ingae evita? Ingo kotae dumba evita? ¹⁹ Na ambe ingobe da awa bejedo embo 5000 undisena ainda amboda kandiga roinge isevi? Ungo mi sisera. ²⁰ Na Ambe seven(7) ami embo 4,000 undisera ainda amboda kadia roinge iseri? Ungo sisera seven awodo ra. ²¹ Umo sisira," Ingo be gadijarevita? ²² Ungo Bathsaida ainda buero embomei ainda ami embo da dombu guba ari awa Iesu mi ewamei arase gundo bugusera. ²³ Iesu embo awa ingoda jigido yiko kosiwa edo embo ainde dombuda patido nganega isira,imo roraro gosesita? ²⁴ Embo awa dombu inda edo sisira,na embo gosena,teta ri ambeda awodo. ²⁵ Iesu sekago ingo dombuda itido ewamei ari itiri embo awa dombu pirigetiri usasa gosisira. ²⁶ Iesu embo awa itiri mambadi iri,yei bejarida mambusira. ²⁷ Iesu uso ambojimbide yei jawo (Caesarea) Phillipi ainda mambusera. Mambuse emboro soropuda uso ambojimbi nganega isira,ingo embo amimi na embo averi sevi? ²⁸ Ungomi ge mina sisera,John the Baptist. Embo nenei awa umo Elijah gesisera,edo embo neneimi umo awa phrophets da ge sisera. ²⁹ Unemi ungo nganega isira,ingo na ave sevi? Peter mi sisira,imone Keriso ra. ³⁰ Embonei sawo geore,Iesu mi sisira. ³¹ Unemi ungo ato paputisira,Mamonda mei awa gitijijigari mi ujae adera,memesi tambadira edo betadira edo iji three(3) ainda amboda eradira. ³² Awa isaga setiri ungo gosisera. ³³ Ate Iesu derido uso ambo jimbi gido awa Peter rebuked edo sisira,"naso gunda mambu Satan! Iso jiro awa God da itaerate embo da ititesa." ³⁴ Edo uso ambo jimbi edo embo berari jawo setiri bugero sisira,ingo amimi na ambo ambo ari dipapa edo gido ane ingo da tambo awa dodo ingoda Korosi ango edo na ambo ambo ewo ³⁵ Embo amimi naso jawo da memesi tambadira edo naso geda bouga tambadira ane ewamei tambadira. ³⁶ Rora ewamei mo nonda tamonda, embo da be amimi uso wasiri awa embo berari awa embo atadiri? ³⁷ Embo amimi wasiri awodo awa Iesu da aeteri? Ungo amimi na mei ise naso ge da mei edo naso mama da usasa bugadewa ane ingo me adira. ³⁸ Embo amimi naso ge sadira awa,uso buwari,edo uso asisi Kotopu awa mamonda yeida ra.