¹ Iesu yei awa dodo,Jordan sasaka awa derigedo Judea busu ainda mambusira.Edo embo jiwae be sekago uso yei bugusira.Edo umo segago ato paputisira ko awa uso buro awasedo. ² Edo gitijijigegari mi bugudo umo itido gosise sedogari sisera."Embo mi uso aro doadira awa agodari mi mo awaratamo? ³ Iesu mina sisira"Moses mi agodari mo ro jiwusiri? ⁴ Ungomi mina sisera,"Moses mi agodari da sisira awa embo amememi uso aro doari dipapa adira awa,aro doarida jiwari jivedo itari maborase sisira. ⁵ Iesu mi ungo da yei sisira,ainda be awa ingoda jo biae ainda pepetise jiwari awa jiwusira." ⁶ Ate tuturo da siroro isira iji ainde,mamo mi embo edo evetu isira! ⁷ Awasedo embo awa uso mamo de ai de awa dodo uso aroga dada edo atadira. ⁸ Edo ungo etoto awa tamo pisida adera,ungo awa etoto aera te pisida. ⁹ Awasedo ro mamomi itiri sembira awa mana embomi oro seugadira. ¹⁰ Ungo mando joda atero,edo uso ambojibi mi segago ge awa nganega isera. ¹¹ Umo ungoda yei sisira,embo ave uso aro dodo evetu nei jimbadira awa viro da jimbo adira. ¹² Edo evetu ami uso ieu dodo edo embo nei jimbadira awa daedo viroda jimbo adira. ¹³ Edo ungoda kinapeina kumbudo uso yei da bugusera,unemi ewamei ari itarase,ate uso ambo jimbi mi okain isera. ¹⁴ Ate Iesu umo gosisira awa imo be dubo ewamei ae isira edo ungoda yei sisira,kinapeina awa dovo naso yei da bugore,edo ingomi mana gajadewa.mamoda gitijigari yei awa kinapeina eiedo tete ainda yei ra. ¹⁵ Ge be mi berari eia nanemi ungo da yei sena,ungo ami mamoda gitijigari yei awa biae adewa teta mei kiambu awa mana be toradewa. ¹⁶ Edo umo kinapeina awa gegenibedo ingo tamoda itido ewamei ari ititisira. ¹⁷ Edo umo uso pepeta tuturo iri,embo da ami uso yei subudo bugudo baingo dedera edo sedo gari sisira,gitijigari ewamei namo ro edo wasiri natopo mo tambeni? ¹⁸ Iesu ge mina siutara,"umo rowaembo na ewamei isiri?embo da ave awa ewamei ataera,mamo umo suka ra. ¹⁹ Umo agodari awa garibera,manadoaso betadira,mana viro adesa,mana bengono adesa,mana ge busadesa,embo nei da rora dipapa adesa,iso mama edo aia awa sapo eio. ²⁰ Embo ami mina sisira,"gitijigari,na mei kiambu atise ro berari awa kera ise bugusena. ²¹ Iesu umo ditini edo umo duboburise uso yei sisira,imo rora da be awa aera. ²² Ate ge emimi etiri umo dubo vevera de mabusira ko umo awa rora jiwaede embora. ²³ Iesu wareregedo uso ambo jimbida yei sisira,rora okain mo nomi ari edo embo anawaiade mo mamo da orobeda tora di eri. ²⁴ Ambo jimbi ge ei awa ingido duduku isera.Ate Iesu imo segago sisira,kinapeina,mamo da orobeda torari mo no mi okain mo iri. ²⁵ Wo carmel awa rora needle ainda toda awa tepobe toradira,embo anawaiade awa rawodo toreri,mamo da orobeda. ²⁶ Ungo berari awa duduku nembo be isera edo ungo mi mina sara isera.Edo embo amimi jebugeri? ²⁷ Iesu ungo gido awa sisira,embo da yei awa okain bera,ate mamoda yei aera,rora berari mamo da yei awa isaga bera. ²⁸ Peter uso yei ge sisira,eia gi,nago berari dodo edo imo ambo- ambo era. ²⁹ Iesu mi sisira, na be mi berari sena embo amimi uso mando dodo,nanonamedi,ruaimono,aia,mama,kinapeina,edo busumane awa naso jawoda edo binga evamei da doadira. ³⁰ Embo mei awawa boroko busuda atera einda ewamei ari badera.Edo memesi badera amimi iji amboda atari natopo awa badera. ³¹ Awarate embo ave giti ira awa ambo irirari amboda awa giti adira. ³² ungo Jerusalem mabadi sedo mambutero Iesu awa matu giti be edo mambusira.Iesu da ambo jimbi de edo embo nenei ambo-ambo isera ainde awa kove be edo oju isera.Iesu uso ambojimbi budo demoda gigisebedo yiko igoi tupo amboda uso yei ro ijegadira awa sisira. ³³ Gido gogowo ewo,igodena Jerusalem mambadera ainda awa emboda mei awa embo demoda mi budo giti jijegari nembo,gambo da ingo da itadera.Umo betarase bekuba da itido budo Jew ae embobo da yei itadera. ³⁴ Ungo mi sedo ganubedo,kosiva adera edo doro betadira.Ate iji tamode amboda segago eradira. ³⁵ James,John edo Zebedee uso memei amimi budo sisera,"Atopatari,nago iso yei sedogosera inemi nagoda dipapa ro sadera awa ase. ³⁶ Umo nganega isira,"Na ingo embo roae eteni. ³⁷ Ungo sisera,' Awara saso nago iso sagogari da nei anumba ingo be-da nei ingo anda-da anumbore. ³⁸ Ate Iesu mina sisira,ingo ro nganega ewa ainda be awa gae ra."Ingo Aga tokaka indadena ainda betarida memesi de badewa mo inono ta?" ³⁹ Ungo mina sisera,"Nago inonora ."Iesu mi ungoda yei sisira,Aga na indadena ane indadewa,edo betarida memesi badewa ane badewa. ⁴⁰ Ate embo amimi naso ingo be-da ae ra , ate embo Mamo mi sirigadira amimi adira." ⁴¹ Ambojimbi nenei ten(10) awodo ungo ge awa ingido James de John dega tinigambari isera. ⁴² Iesu ungo jawo setiri buero sisira," Ingo garira busu embobo awa ungoda ditijijegari da tu da atima era. Edo babajegari memeia awa atima era. ⁴³ Awarate ingoda teda eido eowe. Embo amimi inda petari dipapa adewa awa ingouga dowo wosari kera embo ave. ⁴⁴ Edo embo amimi gitida petadi dipapa adewa awa buro embo awodo ewo. ⁴⁵ Ko embo da mei awa embomi jigoro vitadi bugae rate unemi embo jigari vitadera,edo uso wasiri embo berari jeguborase awa itadira. ⁴⁶ Ungo Jericho bugisera. Umo uso ambo jimbide,embo jiwaede Jericho yise Timaeus da mei bartimaeus dombu gubade edo benunu embo awa tambusera. ⁴⁷ Iesu, Nazareth awa butiri setero ingido gogo dimbudo sisera, David da mei na joe. ⁴⁸ Embo jiwaemi jamo-jamo arase tinigambari ge sisera. Ate sekago inakade jawo sisira," David da mei na joe. ⁴⁹ Iesu petedo ge itiri,embo dombu guba de awa jawo sedo sisera,goroba edo eri, imo jawo sira. ⁵⁰ Setero umo uso ombari gougedo demonda dodo jarabu edo Iesu da yei bugusira. ⁵¹ Iesu sedo sisira, na iso yei ro anase dipapa esi? Dombu guba ari embo amimi sisira,atopari embo,na uasa dipapa ena. ⁵² Iesu mina sisira," mambuio isowateki arimi imo ewamei etesa," Ainde nembo,umo usasa gosise Iesu ambo-ambo isira.