¹ Boroko ungo Jerusalem bugisera ,ungo nati jawoBathphage edo beteni awa aikambu ise dodori jawo Olives ainda Iesu mi uso ambojimbi etoto itido. ² Edo sisira,mambudo nati jo einda ingana atera ainda demonda totoresa ainda Donkey mei kiambu gadesa matu asibae awa wujigedo naso yeida gundo buio. ³ Embo neneimi iso yeida imo ro embo gido esi sadera awa seyo Iesu mi dipapa edo setiri gido ena burigi be itano engenembadira einda. ⁴ Ungo mambusera edo gosisera Donkey mei kiambu awa bupuri edo mando be arapa gido wujegurisera. ⁵ Embo nei derido atisera amimi ungoda yeida sisera,imo buro ro esi,Donkey mei kiambu awa wujege? ⁶ Iesu mi ungo da yei ro sisira awa embo da yei sisera dowo embo ungoda dipapa mi ore. ⁷ Iesu da ambojimbi etoto mi Donkey mei kiambu edo ombaride awa kundo budo itero Iesu tamonda vitido ainto isira. ⁸ Embo juwae be awa ungo da gara awa emboroda besedo edo embo nei awa ungo da ri patu dugurisera awa ititisera. ⁹ Iesu embo ave uso jawoda umo jasiga ise mambusera awa ewamei isira. ¹⁰ Mama David da uso atari yei ewamei ititisira butira awa jasiga tamo beda ewo. ¹¹ Awa sedo Iesu Jerusalem temple da torido mambusira edo rora berari gosisira edo Uso iji atae etiri ambojimbi twelve(12) ainde Bethany ijegurisera. ¹² Iji nei Iesu Bathany edo engenemburisira awa, Umo beji tambusira. ¹³ Iesu aike be petedo ri Betora awa aikeda gosisira edo bedeta gesedo asusu be do gadi mambusirate neiro aerate igi awa berari gido aiwa uso iji aeta rora. ¹⁴ Edo sisira,embo da amimi ribe sekago indadiae ra setiri uso ambojimbi ingisera. ¹⁵ Ungo jerusalem busera edo temple da torido mambudo tuturo edo Iesu mi embo roviravi origari orase mambudo atisera awa dedo gaedo ondedo gano mane awa jigido jojisira. ¹⁶ Umo embo neiro amimi ainda roraro adiae sisira. ¹⁷ Unemi atopatari itido sisira,jiwarida atae ta,naso Mama da mando awa busu arapu mi benunu sadera ate ingoda bengono mando aera? ¹⁸ God da buro ari embomei edo gitijijegari ingisera edo emboro eura isera umo dadi ainda be awaembo berari uso ge ingido yaviri isera uso atopatari. ¹⁹ Edo ongobo iri ungo yai awa dodo mambusera. ²⁰ Ungo sipode pepeta edo mamse ri betora awa garasa edo atiri gosisera. ²¹ Peter gido sisira, "Rabbi,gi Betora garasa edo atira. ²² Iesu ungo da yei ge sisira,tumonde ari Mamon utuda yei itiyo. ²³ Na ge bemi sena embo awe erido doriri eiyawa ondedo imo isuka ewa joda wose,edo umo jo jarojaro aerate be gebe ise ro sadira ane be ijegadira edo ane God mi adira. ²⁴ Awa embogido na ge ro sena roraberari imo gebe ise benunuda nganega edo badesa ane isora. ²⁵ Iji ainde imo derido benunu sise gido awa embo nei kotembedo doyo.aso God mamo utuda bara iso jimbo kotembedo doare. ²⁷ Iesu sekago Jerusalem budo temple da pepeta edo totoriri God da buro ari embomei edo gitijijegari awa uso yei bugisera. ²⁸ Budo sisera imo awara ari mo nonda budo buro emo edesi edo embo amimi awara ari itero edesi? ²⁹ Iesu ungo da yeida sisira,na nganega adena. Sawo gido na bajari ari amimi itiri budo atena awa sane. ³⁰ Ge mina sewo,John bapataito ari embo mo utuda bugusita mo embo dari? ³¹ Ungo suka sedo sisera utuda bugusira sadera ne umo ne sadira ingo ro embo gido umo gebe ae evi? ³² Ate ingana sadera ,ungo ne embo da oju adera,awaembo gido embo berari da mina bari awa John awa prophet. ³³ Ungo Iesu da yei ge mina sedo sisera,nango gaera setero Iesu mi sisira,roembo gido sano gevi awara ari nomi buro eiawa adena.