¹ Awa edo Iesu tuturo edo iniada atopapotise edo sisira,embo da awa grape govedo awa puga didigurisira,edo umo ri grape da be badi durisira.Edo simba iri mando be isira.Ri govusira embo mei nenei da itido umo yei neida pepeta edo mambusira. ² Ri Grape be etiri uso embo itito ri da be awa bore sisira,ate embo ri be awa simba edera amimi embo ri be badi bugisira awa dedo ondisera. ⁴ Sekago embo nei itiri bugisira,etiri wasiri dawa isera edo uso beo bejisera,etero umo engenemburisira. ⁵ Boroko awa embo juaego itiri bugisira ate gari dawodo edo ungo berari dedo gaiedo isera edo nenei bebetero edo nenei mabusera. ⁶ Embo berari atae etero, uso dubobari mei dabe awa itiri bugusira,gido ungo mi naso mei awa kotopu adera awa sisira. ⁷ Ate vine simba ari embomei ungo usuka sisera,eiyawane bayau gido puwo ingode embo eiyawa doro betare ari bayau uso awa ingaenaso are. ⁸ Sedo ondedo detero betetiri puga ponda pigisera. ⁹ Awa sedo vine yard da mamo mi mo rosadiri?Unemi budo vine simba ari embo mei awa usibesi edo vine yard awa kubudo embo nenei deda itadira. 0Ingo jiwari eiava ajiguri sevi tamo?Ganuma rava ingo embo mando ari embobo mi ujae iseva,awa matu ganuma gingija isera. 1Eiawa ane Iesu da yeida edo ane ewamei inganaso dombuda," 2Ungo Iesu dibura badisedo isera ate embo da dombuda oju isera.Edo ungo gosisera umo uso innia ungoda yei sisira.Awaembo ungo umo dodo mambusera. ¹³ Awa edo ungo pharisees de Herodians itero Iesu da yei inia mi umo itero Iesu da yei ge umo jo atoto adira ge awo do awa sisera. ¹⁴ Ungo budo sisera,"Atopatari,"nago gosera imo embo da ge mi ojuae edesa,edo embo da ge awarae edesa,edo imo be God da ge edo buro be awa adesa.Caesar da yei gano itidera mo awara tamo awa aeri? Iesu ungo da yei ge mina sisira. ¹⁵ Ate Iesu ungo ro sadera awa motu gido sisira,ingo ro edo na itido gadi gido evi? ¹⁶ Ungo mi da budo Iesu da yei bugusera. Roviravi einda kariva awa embo andari? Caesar da sisera." ¹⁷ Unemi ungoda yei sisira,roviravi einda gari awa Caesar da adira gido awa Caesar da itiwo edo God da adira gido awa God da yei itiwo. ¹⁸ Embo Sadducees,awa betedo erari awa gebe ae isera. Edo uso yei nganega ise sisera. ¹⁹ Atopatari, Moses mi jiwedo nago da yei ititisira,"Embo ami betedo aro doadira awa uso namendi mi jimbudo namendi embo kinapena itadira. ²¹ sekago namendi ambo da ami burisira edo betisira,kinapeina itae. ²² Ungo nano namendi seven (7) awa kinapeina itae bebetisera. ²³ Erari iji ainde,evetu awa embo anda aro adiri? Ainda be awa ungo berari seven awodo awa evetu da awa jimbusera." ²⁴ Iesu ungo da yei da sisira,eiyawa ingo ge setewa ainda be awa ingo jiwari gae edo Mamo God da goroba awa ingo gaera? ²⁵ Ingo betedo eradera neiro adiae rate ane Anera awodo utuda atadera. ²⁶ Ate berari seka erari ingo eiya ajigae ta? Moses da jiwari da umo rawodo ambe da God uso yeida ge sisira awa, Na awa Abraham da God, Isaac edo Jacob da God. ²⁷ Umo awa embo betari da God aera ate umo ane ta embo wasiri de da God ra. Ingo gae sumba ewa. ²⁸ Owe jiwari embo da budo ingiri Iesu ungoda gadijarari awa siri goise atiko awa erido Iesu nganega isira,ago dari ro awa kakana aderi? ²⁹ Iesu ge mina sedo sisira,agodari kakana be ane,ingiwo Israel awa Bada inga naso God,Bada ne da ra. ³⁰ Imo Bada God awa iso jo berari mi dubo buiyo,iso asisi de iso jiro edo iso goroba mi. ³¹ Agodari ainda gunda nei aire,"embo nei dubo buiyo,da awodo imo isuka dubo buiyo. Agodari nenei awa einde inono aera. ³² Atopatari ewamei,god da edo nei demoda atae. ³³ God jirode edo iso goroba mi dubo buio edo embo nei edo imo suka dubo badesa ane rora rorou edera ainde inono aera ate in be in dara. ³⁴ Umo ge ewamei setiri gido Iesu uso yei da sisira,imo aikambu be atesa God da atari yei da.Ainda amboda Iesu da yei da sedo gari awa itari doturisera. ³⁵ Iesu mabudo kotopu da aruta ari yei ainda atopaputise sisira,eia rawodori,owejiwari embomei mi Iesu awa David da uso mei sedo era. ³⁶ David umo suka asisi kotopu da atise sisira,Iesu mi naso Iesu da yei sisira naso ingo be da anumbeo,aso iso gitopo embo tei joga iso da itadena. ³⁷ David umo suka Iesu sisira,ambo gido rawodo edo iesu awa David da mei adiri? embo uso ge ingisera awa kori isera. ³⁸ Iesu atopaputise sisira,ingo embo ove jiwari edo era awa gido gogovoewo,ungo gara riribori edo embo da atega ari awa diapa edera. ³⁹ Edo dada ari oro joda anumba embo dugabaga awodo adi diapa edera. ⁴⁰ edo ungo nganjara da oro mando da indi dera,edo ungo pari riribori embo mi gore se gido edera.Embo mei eiawa kasari nembo diba be badera. ⁴¹ Ainda ambo da Iesu umo suka oregedo anumburisira,kundo demonda edo oro kotopu joda embo ungoda kando kundo bugusera awa goise atisira.embo rora de awa juwae be bugusera edo gano nambo gambo itidedeisera. ⁴² Awa ero nganjara evetu rora aede awa budo gano ititisera. ⁴³ Iesu uso ambojimbi javo setiri buero ungo da yeida sisira.Gebe ingo da yei da sena,nganega rora aede eiwa awaembo berari gano itera awa derigedo itera. ⁴⁴ Ungo berari awa nembogo atira ainda kumbudo itera.Te nganega eiawa uso yei da ro kiambu atira awa itira.