¹ Umo ainda edo uso nati da mambutiri,uso ambojimbi umo ambo ambo edo mambusera. ² Iji kotopu Sabbath ainde awa Synagogue mambudo atopaputisira.Embo jiwae be ge atae edo sisira,"atopatari emo nonda burisiri?"edo jiro gari emo nonda burisiri?"edo kariwa sekaka emo rawodo ingo mi etetiri ijegurisira?" ³ Embo emomo mando itari embo awata,Mary da mei edo uso naonamendi James,Joses,Judas edo Simon? ado uso ru aimono awa nangode atiserita?" Iesu mi ungo wasiriawa itiri gosisera. ⁴ Iesu mi ungoda yei sisira,"God da ge sari embo awa yei berari da jasiga edo era ate uso mando be ainda awa wasiri awodo awa mana edoisera. ⁵ Embo awa buro nembogambo awa arikatogo ae rate tepo karu memea awa ari ewamei edo era. ⁶ Ungoda tumonda ari atae ainda umo ge atae edo nati berari ainda tembuse atopatari ititisira. ⁷ Edo Iesu uso ambojimbi jawo setiri bugero awa eto eto katebe do goroba ari ititisira. ⁸ Edo Iesu mi ungo da yei sisira,ingo ainto adi isegido,indari,saponya edo gano beowe. ⁹ Ate tei goru asugurise gara awa dowo. ¹⁰ Iji nonde ingo mando ainda mambudo gido,ainda atima awa mambuwo. ¹¹ Nati nomi ingo bae sumbae edo ingoda ge ingae oro gido,tei konipo dewo wosari ingoda kariwa awa gore. ¹² Ungo mabuse embo da sedo isera,in jimbo bebega dodo jo warere ge wo. ¹³ Asisi bebegae ondisera edo embo karu de awa ewamei ari ititisera. ¹⁴ Iesu da jawo sumbiri,King Herod awa ingisira.Embo nenei mi Iesu awa John Baptist awa betedo erari ge sisira,ainda be awa uso ingo da kariwa sekaka edo goroda awa atisira. ¹⁵ Embo nenei awa Elijah sisera.Embo nenei awa Prophet matuda atima edisira. ¹⁶ Ate Herod mi ingido sisira,"John mi eriri sira." ¹⁷ Edo Herod mi John bunde do dibura da gajorose ge setiri mabusira.Ainda be awa Herod da namendi Herodias ainda aro awa jimbusira gido. ¹⁸ Ate John mi sisira,"namendi nei da aro bari ane agodari aera." ¹⁹ Herodias awa Herod ga tinigambari be isira. ²⁰ Herod aju isira,umo gosisira John awa embo ewamei edo kotopu bera. ²¹ Iji ewamei awa Herod uso ingari iji bugusira ainde awa uso gitijijigari Galilee ainda indari isira. ²² Herodias da gagara mi budo embo usisera ainda jda ya diwuse mabusira.King mi gagara ainda sisira,rora ro naso yei da nganega adesa ane itano badesa. ²³ King be sisira,rora ro naso yei da sadesa ane naso Kingdom beda iso itadena. ²⁴ Gagara awa ijegeda uso ai da sisira,na rora ro King da nganega eni? Uso ai mi sisira,John Baptist da beo. ²⁵ gagara awa birigibe mambudo King da sisia,na John Baptist da beo awa itasase dipapa ena boroko be. ²⁶ Ge awa setiri umo be memesi birisira uso jo da. ²⁷ Ate uso buro embo mei itiri ,mambudo dibura da John dubo kapusera. ²⁸ john da beo awa kumbudo bugudo gagara ainda ititisera,etero kumbudo mambudo uso ai da ititisira. ²⁹ Uso nano namendi ge awa ingido awa budo uso tamo budo mambudo kokombo da ititisera. ³⁰ Ambo jimbi bugudo Iesu da yei ungo ro etera awa sisera. ³¹ Setero Iesu mi sisira,puwo ingode yei aike embo atae ainda mamboro ingo jango indave. ³³ Ate embo mi ungo mambutero sisera,gido ambo da sumbudo mambusera. ³⁴ Iesu ijegedo embo jiwae be isisera awa goisira,ungo teta mamo atae awodo mi bugusera awa gido jo isira. ³⁵ Ambojimbi bugudo Iesu da sisera,iji atae ira,yei einda embo atae ra. ³⁶ Embomei awa iti mambudo nati benei da ungo suka indari ore edo indore. ³⁷ Ate Iesu mi ge mina sisisra,ingo mi indari itiwo indore.Ungo mi sisera,nango mi mabudo tu hundred kina emimi ambe ore edo budo itoro indore? ³⁸ Une mi sisira,ingo ambe roinge atiri? mambudo giu. Ungo mambudo goisera awa ambe five edo wo etoto tambusera. ³⁹ Iesu mi embo berari awa setiri anumbirisera. ⁴⁰ Embo berari hundred edo fifties awodo awa anumburisera. 1 Ambe five edo wo etoto awa jigido ewamei ari ititisira edo uso ambo jimbida itiri awa kandokaba isera wo de daedo. ⁴² Embo berari indido inono be isera. ⁴³ Ambe edo wo da momono sirigetero kandia twelve awodo awa inono isira. ⁴⁴ Embo berari ane five thousand amimi indisera. ⁴⁵ Burige be uso ambojimbi boat da vitido nati benei Bethsaida ainda mamborose sisira. ⁴⁶ Ungo mabutero awa umo doriri da mambudo benunu sisira. ⁴⁷ Ongobo iri ungo boat ga ewa soropu da atero Iesu ombo da stisira. ⁴⁸ Umbutero bisara edo ewa eririsisa.Iesu ewa tamonda ainto edo bugudo ungo serigadi isira. ⁴⁹ Ate ungo Iesu gido awa asisi gesedo gogo bumbusera. ⁵⁰ Ainda be awa ungo duduku edo ge atae isera.Iesu burigebe ungo da yei sisira oju eowe ene namona. ⁵¹ Iesu ungo daedo boat joda vitiri ungo ge atae isera. ⁵² Ungo ambe ro indisera awa be gae isera. ⁵³ Ungo sembudo nati Gennesaret ainda torido boat didigurisera. ⁵⁴ Ungo boat joda edo ijegurisera ainde,embo berari umo embo ro awa matu goisera. ⁵⁵ Embo berari bugudo usisera edo karu embo bugusera. ⁵⁶ Iesu yei nodanoda mambusira ane karu embo uso yei da bugusera.Uso kareko begiti tamesi edo ewamei ari burisera.