¹ Ungo ewa benei Garasenes ainda bugusera. ² Iesu boat dodo ijigurisira ainde,asisi biae burigibe uso joda bugusira. ³ Embo kokomboda edo bugusira,gido embo amimi beitigari sawo ae. ⁴ Umo bundiserate jigido teugedo sisira,na ingoda gorobami mana itawo wosadena. ⁵ Iji edo tumba natopo awa umo doririda mambudo kokomboda ji sise umo isuka ganuma vegari mi kapusira. ⁶ Umo Iesu aikeda gido awa sumbudo mambudo tumonde bain isira. ⁷ Ji javide sisira,na iso yei ro eni,Iesu God da mei imbeda? Na imo nganega ena God usuka,na biae be da itose. ⁸ Umo usuka uso yeida sisira,asisi biae embo dodo ijege. ⁹ Unemi nganega isira,"iso jawo rori?"Setiri umo sisira," naso jawo awa Legion,ingena jiwaera. ¹⁰ Itari ponda ijigeure sedo benunu sekago-sekago sisira. ¹¹ Ge pigetiri pu da joda wowosisira etiri ainda bouga mi kumdo wowosisira. ¹² Nago iti pu mane einda jo da torore. ¹³ edo asisi bebegae awa itiri 2000 pu da joda wowosisera,edo ewada pigisira. ¹⁴ Edeo embo pu undisera awa oju sumbusera. Ro ijekurisira awa gadi mambusera. ¹⁵ Ainda amboda budo embo asisi biae awa ijegurise atae isera. ¹⁶ Embo torero ijigetiri goisera awa embo neinda sisera. ¹⁷ Ungo mi uso yei awa do ijegarese ge sisera. ¹⁸ Umo boat da totoriri,embo asisi ondisira awa ungae mambadi sisera. ¹⁹ Ate Iesu iso yeida sisira,iso mandoda mambudo iso embo mei seo gore iso yeida ro ijegetiri awa kiki dirio. ²⁰ Iesu ge karigedo setiri embo berari ge atae isera. ²¹ Iesu semdo ewa beneida mambusira,awa embo jiwae be uso ge ingadi bugusera. ²² Synagogue da embo gitijijegari,jawo Jairus,budo umo gido ditivi mi wowosisira. ²³ Edo sekago-sekago sisira," naso gagara kiambu awa betadira aikambu ira bugudo iso ingo tamonda itigae. ²⁴ Awa embo Iesu mambutiri emboberari umo ambo-ambo isera. ²⁵ Evetu ainda uso ororo awa sumbiri budo gaeko twelve(12) isira. ²⁶ Umo be doctor jiwae be ami budo kondade isera edo evetu awa,umo ewamei aetiri awa usibesibe babujisira. ²⁷ Iesu da binga awa ingido evetu awa bugusira,edo uso kareko bekiti jijigurisira. ²⁸ Evetu ami umo tamesi isira,tepo uso gara tamesi adena,na ari jebugadena. ²⁹ Evetu ami umo tamesi isira,etiri awa ororo gajisira,etiri umo uso tamonda dudurisira edo uso dubobari mi awa etiri ewamei isira. ³⁰ Iesu burigi be-burigi umo usuka uso goroba awa usuka goisira. Umo poroga warero-warero edo sisira,embo ami naso gara tamesi isira? ³¹ Uso ago dari iso yei da,poroga wosedo imo jiroro ira amo gosesita,edo imo ge se,embo ami na jijiguriri? ³² Ate Iesu dombu itido warero -warero edo embo ami atae isiri. ³³ Evetu,uso yeida rogeriguriri sira awa gosisi ra,opu mi betiri dedo duradi jarisira.Awa budo giti durido edo awa erido gebe isira. ³⁴ Iesu uso yei sisira,"gagara,iso tumonda arimi ari imo ewamei adesa.Dubobari mi awa mambaso iso karu awa ewamei are. ³⁵ Umo ge sira,embo nenei giti jigari synagogue ainda yei edo buisera,ami ge sisera,gagara betetira.Ro edo buriga ijegurisiri? ³⁶ Iesu mi ungo rosisera awa derigurisira unemi Synagogue da giti jigari ainda yei sisira,gae-gae edo mina biae beose.Tepo tumode bai eio. ³⁷ Umo dodo edo embo de buroari awa umo ujae isira,awa isira Peter,James,edo John,James da namendi. ³⁸ Embo berari Synagogue bajari ari ainda mandoda budo uso embo mei javi ero goisera.Ungo berari vegetiri ji gogo dimbudo sisera. ³⁹ Umo mando da mabudo ungo gido sisira,ingo memesi de atewi? mei kiambu ne betae ra. ⁴⁰ Ungo berari irojirisera uso yei. Ai mamoga kumbudo demoda itido mei kumbudo mambusira. ⁴¹ Gagara kiambu ingoda jigido sisira, ''Talitha,eri !'' nanemi sena. ⁴² Gagara kiambu awa erido ainto isira. Uso ai edo mamoga ge atae isera. ⁴³ ungo da ge okain sisira,embo nenei sawo geore sedo. Setiri gagara kiambu indari itoro indare sisira.