¹ Iesu sekogo tuturo edo,ewa kora da atopatadi iri ,embo nebo be bugudo umo donge burisera ,edo embonebo be nebo be awa korada pepetisera. ² umo rovira berari awa ge inia da ami atopaputise,atopaputtise,ungo da yei sisira. ³ ''Ingiwo ''ambe buro da awa ri ve govadi mabusira. ⁴ Edo umo ri ve goviri, nenei awa emboro da durero ri memei mi indisera . ⁵ Edo ve nenei awa ganuma busu de ainda dudurisira,ise awa da ami koru vivitisira.Ainda be awa busu be aera ⁶ Edo waiko vivitiri ,koru isira berari awa ambusera,ainda be awa besisi tu be da wosae gido. ⁷ Ve nenei awa ri bebe da teda torero edo bebe mi sandiri ginene isera. ⁸ Ve nenei awa busu be busu da durido eririsera, edo ri ve awa ekenabukena isera-thirty,sixty edo hundred awodo isra. ⁹ Edo umo sisira, "Embo ave dengoro de ami ingadi ari gido doyo ingare !" ¹⁰ Iesu umo usuka atiri edo ungo amemi aikambu ungae da atisera ambojimbi twelve ainde mi ge inia da be awa nganega isera. ¹¹ Mamo da yei kotopu gitijigari gido kove be orase ititisira awa ingo da yei isagara. Ate ungo ave ponda atera awa rora berari be awa ge inia da ra. ¹² Gebe,ungo gido be awa gadi sedo adera te,gari katogo ae adera awasedo,jo wareregoro Mamo God ungo kotembedo doare. ¹³ Awasedo Iesu ungo da yei sisira," Ingo ge inia da be moka be awa gae etevita?" ¹⁴ Ri ve govari embo ami uso ri ve govedo ira da awo Bada da ge awa govedo edo era ¹⁵ Eiawa ve nenei emboro demoda duduri gurisera, da ainde Bada da ge awa govusira. Ate nanjigo Bada da ge awa ingesa awa binei mi burigi bugudo soumbedo budo ira, ¹⁶ Ve nenei ganuma tamoda gowusira awa eido,nangigo de Bada da ge awa ingise edo burigi ungo da joda budo dubo ewamei adera. ¹⁷ Ungo ungosuka ri besisi ae awodo iji tupo be atise ambadera, edo iji pira, dari betari,atae sumba ari, wasiri bebegae neide kainde ijegadira ainda be, awa Bada da ge awa embo edo burigi be majedo atae adera. ¹⁸ Edo nenei ane ve bebe da govusera awa sedo ungo Bada da ge awa ingadera. ¹⁹ Edo busuda atari kumbari da gano da gano mi edo embo nenei da rora dipapa edo era amimi bundedo beuri atae edo era. ²⁰ Edo ve nenei busu ewamei da govisera ane ungo amemi Bada da ge ingido ungo da jo da atirari, ri be ewagaewa awodo siroro adira,thirty, sixty edo hundred govusera awodo. ²¹ Edo Iesu mi sisira,"Ingo usasa ari awa budo mando joda torido kandia tuda itevi tamo, ewari besi tu da itevi tamo? Umo usasa ari awa jo da torido edo usasa dederi da itiwo." ²² Rora ro unjugari awa isaga adira edo jo da gae atadira awa arapada bugadira. ²³ Edo ungo ave dengoro edo ge ingadi eri awa gido doio ingore!" ²⁴ Iesu mi sisira, jamo jamo edo atise ge ingido edo tega ro inge jingama adesa da ami imo tega adira, edo jiwae be awa , uso tamo da ainde, itadira. ²⁵ Edo ungoda yei da ge nei ro ae gido awa ungo da yei ge ro atira awa dodo sekago badira. ²⁶ Edo Iesu sekago sisira,Mamoda atari yei awa emba ri ve busu ewamei da gowusira da awodo ra. ²⁷ Umo tumbade ewo ima edo waiko de eridera edo ri ve koru edo eridera awa rawodo ederi awa umo gaera. ²⁸ Busuda indari awa usuka siroro edo ira. Giti awa ve koru edo ri erido nebodiba edo ri be ekedera. ²⁹ Edo indari sari euri awa umo burigi da embo seuri indari badi sedo mambudera. ³⁰ Iesu sekago ingaenaso yei sisira, "Rawodo edo mamoda uso atari yei awa ge inia awa rawodo sedo oro ingae naso yei da isaga ae etiri? ³¹ Awa teta pingi ve inge gowusera, ve kiambu be kiambu busu da ve berari atira ainda kiambu be ra. ³² Rate pingi ve awa goworo erido ri nebodiba be edo ri nebogambo ambe da da awodo edera, edo patu nebogambo edo ira, euri ri memei mi ungoda ngaja ainda utumo da edera.'' ³³ Edo bada ge awa inia da ami jiwae be ungo mi ingodo goworase sisira. ³⁴ Edo Iesu ungo da ge awa ge inia da ami, berari sisira.Ate ungo ungosuka atise awa ge inia da ami sedo isiri ainda be awa seuri uso ambojimbi awa isaga edoisira. ³⁵ Iji ainda ongobo awa Iesu uso ambojimbi da yei sisira,ingodena awa ewa benei da mabadera. ³⁶ Awasedo,ungo embo berari dodo,edo Iesu ga da ewa nga da vivitisera edo awa nga nenei sembutero,ainde da sembusera. ³⁷ Sembutero awa ga bisibisara edo kauyawata eriri edo nga awa kununu bari aikumbu isira. ³⁸ Rate Iesu nga joda ewo edo jariri edo uso ambojimbi mi ewo wujisera.''Atopatari,''Ingana betadi era imo gosesita mo gaeri ''? ³⁹ Iesu erido edo bisara awa ondisira edo ewa ainda sisira''BEGA''! Jamojamo eyo! edo ewa awa jamojamo isira edo wasiri atae isira. ⁴⁰ Iesu ungoda yei sisira ,Roembo gido ugo evi?Ingo ingoda tumoda ari gebe ari? ⁴¹ Ungo oju mi bebegae edo mina sara isera, Embo eiyava averi ainda be awa bisara de ewa de awa uso ge ingido rosetiri awodo etera.