¹ Sipo atetiri, chief priest edo gitijijigari berari budo Jew da council ga dada isera. Edo Iesu etero mambusira. ² Pilate mi nganega isira. "Imomo be Jwis embo da Bajari ta ?" Iesu mi ge mina sisira, "Ge ro sesa ane awara." ³ Chief priest mi Iesu bekuba jiwae be isira. ⁴ Pilate mi sekago nganega isira, "Imo ge mina sesitamo? Iso tamonda bekuba jiwae ititera imo gosesita?" ⁵ Ate Iesu ge mina sae isira, edo Pilate kove isira ⁶ Bondo ijide awa Pilate mi embo dada gajari oro da awa pirigeuri ijegedo isera, Jew embo da dipapa da. ⁷ Embo jawo Barabas awa bengono embo gajarida atima isira. ⁸ Embo mi matu edo isira awodo Pilate mi ungoda dipapa awa arase sisera. ⁹ Pilate mi nganega isira, " Ingo Jew embo da King awa wujeganase dipapa evita ?" ¹⁰ Ungo Iesu ji sise uso ingo da ititera awa matu gosisira ¹¹ Ate chief priest embo da jo paputise awa embo javo Barabas awa itadi sisira. ¹² Pilate mi ge mina sisira, "Jew embo da King emomo ro ene?" ¹³ Embo berari mi gogo dimbudo sisera,"De betare!" ¹⁴ Pilate mi sisira, "embo einda biae mo rori?" Ate ungo inakade gogo dimbudo sisera,''De betare!" ¹⁵ Pilate mi ari ungo dubo ewamei orase gido Barabas wujegurisira. Umo setiri Iesu vejedo amboda doro betarase ititisira. ¹⁶ Isoro embo mi Iesu kundo gitijigari da oro da mambusera. ¹⁷ Ungo mi kareko kokoi Iesu da tamonda itido bebe egedo uso kopiri da ititisera. ¹⁸ Edo ungo Iesu sedo ganumburise sisera,"Jasiga era, Jew embo da King!" ¹⁹ Embo uso dombu da kosiwa isera.Umo ganumburise baingo dedera edo umo jasiga isera . ²⁰ Umo gadumbedo karako kakeko keredo awa uso omari diga itero ombusira dadi kumbudo mambusera. ²¹ Alexader edo Rutus edo dega mamo Simon embo Cyrene awa tambusera,engega etero korosi ango isira. ²² Isoro embo mi Iesu kumbudo yei jawo Golgotha bugusera. ²³ Wine tokaka awa indara sedo ititisera ate indae doturisira. ²⁴ umo dedo uso bosini keredo kando kataba edo burisera. ²⁵ Iji tamonde ainde umo dorisera. Ge gaedo dorisera. ²⁶ Ge gaedo dorisera,Jewis embo da bajariari. ²⁷ Uso demonda awa buriga embo orega da dorisera,uso ingo be da edo neida ingo anda da. ^{28 29} Embi nei uso dombu da yima puma ise sisira,imo Temple bejedo sekago iji tamonde ainda joda itase. ³⁰ Imo orega dodo wose. ³¹ Emboro da awodo,Chief Priest mi sisira,umone embo nei kondade adira ate umo isuka kondade ari katogo ae. ³² Dowo Isreal embo da King orega dodo wosari nango gebe ore. ³³ Ongobo iri,umenga mi yei apuregurisira. ³⁴ Iji 9 o'clock iri Iesu gogo dimbudo sisira,"Eloi,Eloi lama sabachthani?. ³⁵ Embo da mi ingido sisira umune Elijah jawo sira. ³⁶ Embo da ami umo tokaka awa indarae sedo ititisira.Edo sisira,Elijah mi budo teugari wosari ungode gadera. ³⁷ Edo Iesu gogo dimbudo betisira. ³⁸ Kareko soropu da kerisira. ³⁹ Isoro embo da gitijigari bugudo Iesu betetiri gosisira,gebe ena God da mei na sisira. ⁴⁰ Emboevetu,Mary Magdalene edo James de Joses deda ai edo Salome awa embo da joda gosisira. ⁴¹ Iesu Galilee atisira,iji ainde awa umo ambo ambo edo Jerusalem bugusera. ⁴² Ongobo iri siriga bariga isera,ainda be awa ungo da God jasiga ari iji butiri gido. ⁴³ Joseph Arimathea embo ami Pilate da yei mambudo Iesu da tamo badi sisira. ⁴⁴ Pilate awa ge atae isira,edo isosoro embo da gitijigari nganega isira,Iesu awa be betetira. ⁴⁵ Pilate,Iesu betetiri gido uso tamo awa Joseph da yei ititisira. ⁴⁶ Joseph kareko kumbudo budo Iesu orega da teugedo kera edo kumbudo mambudo meko da ititisera. ⁴⁷ Mary Magdalene edo Joses da ai Mary bugudo Iesu nonda gowusera awa gosisira.