¹ Jango indera iji awa sangove etiri,Mary Magdalene,James da ai edo Salome budo awa embo betari da siwo munode awa oia edo kunobudo Iesu da tamo ewamei isera. ² Pura da ainda iji tuturoda sipo atae be iji vivitiri awa ungo mi kokombo da mabusera. ³ Mabuse awa ungo usuka ge minasara isera,kokombo gajari ganuma kokombo beda awa amemi misari demoda yaetiri? ⁴ Ungo budo kokombo be gajari ganuma nebodiba be awa demoda atira gosise. ⁵ Ungo budo torido awa mei singa da gara parara edo ingo be kenada anubedo atiri godo oju ise ra. ⁶ "Embo ami sisira, ojueove" ingo Iesu Nazerene embo oregada dorisera awa eura evita,ate mo ainda ataera, umo matu erira edo umo yei rawanda itro pasido atisira ainda giwo. ⁷ Ate mambuwo uso ambojimbi de Peter de sewo gore umo matu giti Galilee mabuse gido awa, matu setiri ingisewaainda umo gadera. ⁸ Ungo kokombo dodo ijegedo awa ojude dudu gasise sembusera ungo embo nenei de da ge neirosae ainda be ungo ojuisera. ⁹ Pura da ainda iji tuturo da sipo atae be umo eririsira edo ainda amboda awa umo giti Mary Magdalene de da karigurisira edo asisi bebegae seven awodo,awa ondetiri Ierugurisera. ¹⁰ Evetu awa mabudo Iesu da ambo jimbi awa jide budo vevera de atero awa unemi setiri goisera. ¹¹ Ungo ingisa umo betae wasiride evtu ami goisira awa setiri ingiserate ge ae isera. ¹² Ainda da ambo da ungo pepeta edo isi awa dodo mambutero awa unemi ungo etoto de da emboro juwae be da arapaisira. ¹³ Ungo mambudo uso ambo jimbi nenei setero ingisera ungo ge be ae isera. ¹⁴ Ainda amboda Iesu da ambo jimbi table tamoda papasigedo jibiae sero awa umo ungode da arapa edo ungo da ge be aeari de edo ungo da tumoda aeari de awa isiburisera. ¹⁵ Iesu unemi ungo de da sisira,mambuwo busu berari ainda binga ewamei awa karigawo embo berari busu ainda awa ingore. ¹⁶ embo ami umo ge be edo bapataito etira awa umo kaveregari badira edo amimi umo ge be ae ira awa uso riroga badira. ¹⁷ Kariwa ei ya awa embo ami ge be ira ainda joda atadira edo naso jawoda ungomi asisi bebegae awa ondoro yei eura adera edo ungo ge seka matu sae awa sadera. ¹⁸ Jingabu awa ungo da ingo mi badera,edo ungo roraro betari indadera awa ungo betadera edo ungo da ingomi karu embo da tamoda itoro ungo jebugari badera. ¹⁹ Iesu uso ambo jimbi dengero bagedo,ainda ambo da awa asisi kotopu mi Iesu kumbudo utuda vitiri uso Mamo da ingo be da anuburisira. ²⁰ Iesu da ambo jimbi dodo awa mambudo yei berarida embomei de da Iesu da ge karigurero awa Iesu mi ungo de tembuse,ungo da joda buroise awa ge mi kariwa awodo edeisira.