¹ Iji etoto kinda ambo day away Iesu uso ambojimbi de indari indadera. Chief Priest Edo babajigari nenei awa Iesu eura edo daro betarase tembusera. ² Bondo iji de badiaera,awodo sisera,embo mi gadera. ³ Iesu Bethany ainda Simon da mando da atiri awa embo karu embo da ami rora muno de kumbudo mambudo bejedo Iesu da beo da jojisira. ⁴ Embo nenei tini gambari edo sisira,rora eia jojetira ainda be awa rori? ⁵ Rora emone sell edo gano budo embo rowirawi atae ainda itaetera awa budo bejetira. ⁶ Evetu awa dovo.edo umo avo jarure, umo rora ewamei naso yei,etira. ⁷ Imo iji berari awa embo rora ae, awa daga atima era.Edo ro dipapa,adesa awa ungo da yei ewamei adesa.Ate iji berari awa imo na badi aera. ⁸ Evetu eiawa umo ro adira awa etira umo naso betari tamo awa ewamei etira govore se. ⁹ Ge be sena,gero busu arapuda sadera awa.Evetu emi ro isira awa kotebu kotebu adera. ¹⁰ Edo Judas Iscariot,Iesu da ambo da tegada da,ami bada kundo gitopo embo da yei ititisisi ra. ¹¹ Gitopo embo da giti jigari awa ingido,ungo yaviri be isera edo gano itadi sisera.Umo tuturo edo emboro ravodo edo bada gitopo da ingo da itadira awa isira. ¹² Iji da ainde wo lamb awa burisera.uso ambojimbi mi sisira,yei nonda mambudo indari inderi?Iesu mi uso ambojimbi etoto itiri mambusera,embo umo dimbudo budo ingo tambardira awa ambo ambo ewo. ¹⁴ Mando joda torari gido ambo ondedo torido mando mamo nganega ewo,atopatari misetira,naso embo da indari indadera yei mo rawari? ¹⁵ Awo unemi mando buga indari indadera awa ari gave.Roviravi berari matu itari ra. ¹⁶ Edo uso ambojimbi mambudo gero sisira awa edo awa indari isera. ¹⁷ Ongobo iri Iesu uso ambojimbi de bugusira. ¹⁸ Ungo berari anumbedo indari indero awa Iesu mi sisira,gebe sena,ingo da joda ingo dami na ga sadewa. ¹⁹ Uso ambojimbi jo edo memesi budo sisera,mina ajirega isera na aera. ²⁰ Ane ingo da ainda nandae atewa. ²¹ Edo mama da mei ne ge da gaira atira awodo mambadira.Ate jo ari be ne embo amimi Iesu gae sadira embo awara. ²² Ungo indari indero awa Iesu mi bread erege do ewamei ari ititisira.Eia kumbuwo,ene naso tamo ra. ²³ Aga jigido ategari itido itiri ungo berari indisera. ²⁴ Emone naso tamo ra indiwo,ane gaeko jiwae be jojisira. ²⁵ Gebe ingo da sena,na sekago ingode indadiae ate mambudo God da parara da indadena. ²⁶ Ungo ya sise awa Mount Olives mambusera. ²⁷ Iesu mi ungoda yei sisira,ingo berari awa duradewa awodo ge da gaiari atira. ²⁸ Ate na iradena,ane giti Galilee mambadena. ²⁹ Embo berari duradera ate nane dura dae ra. ³⁰ Iesu mi sisira,tumba boroko eiwa biore egoro sae atirari ungo na gae sadewa three times.Ene gebe sena. ³¹ Peter mi sisira,na ingae beti adena anie mana imo ge sadena.Ungo berari ge da awa sisera. ³² Ugo berari yei jawo Gethsemane ainda bugudo Iesu mi sisira,einda atiwo na benunu sane. ³³ Peter,james edo John ga kumbudo mambusira. ³⁴ edo sisira,naso jo na betadena awa mina burena.ingo ainda petedo goise atowo. ³⁵ Iesu kimbu aike mambudo busu da durido benunu sisira,tumba boroko eiawa umo mambadira awa sia isira. ³⁶ benunu sisira,mama rowirawi berari iso ingoda.naso bouga eiawa kumbu o.Naso goroba aera ate iso ra. ³⁷ Umo engenebedo ungo ewoero tambusira,edo Peter da sisira,Simon imo eve sa? irido iji tupo be yei goise ati. ³⁸ Yei goise benunu sise atiwo ingo bawari da duradewa.Asisi ne dupapa ira te tamo mi ujae ira. ³⁹ Umo sekago mambudo benunu sedo budo ge da awa sisira. ⁴⁰ Sekago budo ungo evero tambusira,ate ungo da diti awa bouga etiri ungo ge sari ujae isera. ⁴¹ Sekago budo evero tambudo sisira,ingo jango indise ewise atewa?enono etira,iji matu aikambu etira.Embo da mei kumbudo jimbo embo da ingoda itera gosevita! ⁴² Eriwo ungode mambore.Embo na indiga adira ane aikambu atira. ⁴³ Umo gesise atiri,Judas umo ambo ambo isira awa mambudo isoro embo kumbudo bugusira. ⁴⁴ Boroko indiga embo awa kariwa itido sisira,embo muno adena ane awara. ⁴⁵ Judas mi burigibe budo Iesu muno isira. ⁴⁶ Etiri awa ingo bugudo Iesu jigido tega burisera. ⁴⁷ Ate embo da derido atisiri ami kaia kumbudo gitijigari da buru embo da dengoro diugurisira. ⁴⁸ Iesu mi ungoda yei sisira. ⁴⁹ Na ingode iji jaige Temple joda atopaputisena ainde na kumbudo dibura da itae iseve.Ate wasiri aia ijegetira awa ari ge awa be arase atira. ⁵⁰ Berari Iesu dodo sumbudo mambusera. ⁵¹ Mei singa da gara ipu da egari awa Iesu ambo ambo isira. ⁵² Embo mi dadi etero gara dodo bo ujugedo sumbusira. ⁵³ Iesu kundo gitijigari da yei mambusera. ⁵⁴ Peter awa besaun ambo ambo isira. ⁵⁵ Boroko awa gitijigari mane Iesu ge be gadi nganega isera umo doro betarase isera.Ate ungo ge be neiro tambae isera. ⁵⁶ Embo juwae be awa gebusisera. ⁵⁷ Ate ungo da ge awa gebe ae isera.Ugo mi sisera ate ungo da ge awa busari. ⁵⁸ Nango ingera Iesu mi setira nanemi mando kotopu awa ingo mi ari awa arasegedo edo iji tamonde ainda joda awa sekago ingo mi adena. ⁶⁰ Ate gitijigari embo da joda nganega isira. Iso ge mina atita? ⁶¹ Ate umo ge sae isira.Embo oia ingo da yei ro etiri? Ate umo ge mina sae isira.Edo imo Iesu tamo? mamonda mei tamo? ⁶² Iesu mi sisira, "ane namona,mamo da mei ingo beda anumbedo atama ira. ⁶³ Gitijigari uso gara jigiri keretiri sisira ingo dena ge sari goroba ari embo nei dipapa eri ta? ⁶⁴ Ingo ge busari awa ingawa,ingoda dipapa awa rori? Ungo berari mi sisira,umo ne betadira. ⁶⁵ Embo nenei uso dombu da kosiwa isera edo dombu gajedo dedo sisera gese buro embo mi kundo dorisera. ⁶⁶ peter umo ge ingari mando inda da atiri gitijigari da buro gagara uso yei da bugusira. ⁶⁷ Gagara ami Peter ri egiri gosisira.Edo sisira imo ne Iesu ga daedo ra. ⁶⁸ Ate umo bero edo sisira,na manamana ena ge imo rosesa awa na gaera. ⁶⁹ Na neiro gaera.Edo imo ro sesa awa na gaera.Edo umo mando gunda mambusira.Ate buro gagara umo gido embo da yei sisira,embo ene embo nei dara. ⁷⁰ Ate umo sekago bero isira.Embo ainda atisera amimi sisera umone embo nei ra.umo daedo Galilean ra. ⁷¹ Ate umo tuturo edo umo usuka biae da ititisira.Embo sewa awa na gaera. ⁷² Kokora egoro iji etoto sisira edo,Peter,Iesu sisira awa kotisira.Uso yei kokora egoro etoto sae atirari imo na bero adesa.Iji tamonde edo umo durido ge sisira.