1 Edo boroko einde tuturoda God da atari jero ainda ago dari edo tumonde bain ari busu einda awa gosisera. God indari rora atari jero awa ungoi sia isera. 2 Oro kiambu tutuoda isera awa usasa derari rora tendemba isera edo indari rora ambe awa natopo ainda atima edo isera God da atari yei ainda. 3 Ainda amboda awa barara etoto was atari yei kiambu joda ainda ititisera God da atari yero be ainda edo gogo isera usasa parara awodo indari de daedo. 4 Aaron da ituka de rora nenei ainde daedo awa God da atari jero setera ainda itititsera. 5 Giti be awa rora nenei isera ainde deado in be in da ititisera ingodena ainda ge awa boroko emi sari sagi aera. 6 Ainda amboda awa rora nenei sia isera awa God da buro ari embomei ami natopo be awa atari jero nei ponda isera ainda jigama edo isera God jasiga ise. 7 Awarate God da buro ari embomei awa duberi natopo awa oro kiambu nei ainda torido jasiga borega edo iserate woda ororo jigamo ise jimbo bebegae segedo isera awodo awa ae dodo isera. 8 God da Asisi kotopu mi atari jero kotopu awa natopo be ituri gido edeisera God da atari jeri tuturoda itero dederisira ainda. 9 Ungoda kando rovi ravi berari awa budo itido jasiga borega edo isera awodo awa boroko awodo awa emboda kotebari da awa atae edeira. 10 Ungore indari de umo de rovi ravi nenei de deado ami bondo da jigama edo segedo isera. Eiyawa ago dari tamo pisida itoro ijegeuri ainda buro awa edo isera. 11 Bada Iesu awa God da giti jigari nei awodo awa rora ewagaewa edo isira. Umo awa embo nebodiba awodo buro jiwae be edeisira God da atari jero ainda. Ate rora nenei embomi busuda ae edeisera awa edeisira. 12 Buro ise wo maneda ororo mi jasiga borega edeisera awa umo awodo awa ae edo isira, ate Bada awa ororo uso topo mi jasiga borega awa God da atari jero kotopu be ainda edeisira. 13 Awa sedo embomei mi wo maneda ororo budo avigade deado tamo pisi da pusaki ise ungoda jimbo segedo isera. 14 Bada da ororo mo ro inge mi Asisi da atari jero mata awa atadira ainda buro awa edo isera. 15 Ainda be awa umo awa God da atari jero seka ainda ge sari embo awodo ititisera. Edo betari da sekago eradera embomei awa God da atari jero gitida isera awa goise ungomi jimbo ae edo isera, edo embo amimi awa God da sari gari sisira ainda mata awa atadera. 16 Embo atima era awa ungoda dipapa be mo rori awa sedo itoro peturi atima era. 17 Ane dipapa ungoda awa setero petetira awa sedo ungoi betadera awa dipapa ro setero petetira awa vevesedo kando kataba adera. 18 Awa sedo God da atari jero awa Bada da ororo mi ewamei isira. 19 Moses mi ge gorobade sisira embo berari da yei, wo maneda ororo mi umo de daedo awa emboda tamo da pusaki isira, edo eiyedo sisira 20 "Emone God da atari jero ainda Ororo ra giwo," awodo sisira. 21 Emboro da ainda sisira ororo mi God da atari jero ane ewamei irirari atadira. 22 Ge gorobade sisera ami ewamei euri emboda jimbo bebegae awa berari segedo isira. 23 Awa sedo rora berari ainda jiwari awa Asisi mi utuda da segedo ira. Awarate utuda rora berari awa ewamei be edo isera jasiga borega adera awa sedo. 24 Bada da atari jero awa ingo mi edo isera atiti awodo edo ainda konda awodo utuda atima isira edo God da dombuda awodo bugudo arase. 25 Umo usuka tumonde bain ari awa iji jiwae be awodo edo isira God da giti jigari mi, edo God da atari jero ainda torido isira duberi da, da joda. 26 Awodo edo isira ami, unemi tutuvi derida atoto ari jiwae be tambudo isira. Ate boroko einde iji sangove da butira awa ewamei ari awa tambadera edo jasiga borega ise jimbo bebegae awa segadera. 27 Embo berari awa iji da be awa betadera bebegae mi ari. 28 Jo da ainda awa Bada mi betedo embomei da jimbe bebegae awa soregurisira, edo sekago betedo jimbo berari awa segadira.