1 God da ago dari awa atiti awodo mi rora ewamei berari awa kundo ira, edo buro be awa ungo usuka edo era. Ingo embo amemi God da dombuda awa ewamei ataera. God da buro ari babajegari mi jasiga borega awa iji natopo awa duberi da da joda edo isera. 2 Awa sedo jasiga borega ari awa dodo atima isera. Amone embo mei jasiga borega ari embobo awa iji da Asisi da saera, iji da burisera ami kotebari bebegae edo jimbo edo isera. 3 Ate ungomi jasiga borega ari yei ainda natopo be jimbo edo isera duberi da joda. 4 Awa embo we memi da ororo mi embo da jimbo berari awa segedo isera. 5 Awa sedo, Bada Iesu busuda bugudo awa sisira, Jasiga borega awa iso jo mi aerate, iso tamo pisi mi na embo sia edo isesa Edo yawo vevera mi jimbo dungedo isera. 6 Iso tamo mi eosase sisira. 7 Bada mi sisira awa: "Einda Po Gase, Na eire" Awodo awa naso jiwari da sari atira. 8 Ingoda wasiri awa jasiga borega ise emboda kotebari bebegae edo isera awa yawo mi dungedo isera. 9 Ingoda tamo mi jasiga borega ewa awa gido re rora awa ago dari awa gadewa. Bada mi sisira, "Eire gi", na awa iso dipapa be awa adena. Unemi buro gitida edo amboda awa eitir pepetisira. 10 Ingodena awa Bada uso dippa be ainda adera. Awa iso natopo be awa God da buro ari embo mei awa igoi da - da God da buro awa edo give adera. 11 Bada da jawoda natopo be awa jasiga borega adera. Edo God da buro ari embo iji da, da ainda joda awa uso buro edo wasiri awa itido ira. 12 Unemi jasiga borega emboro dawodo awa sekago sekago mana jimbo bebegae awa embo itdadira. 13 Ate Bada mi iji natopo be awa jasiga borega bebegae embo iji be ititisira ainda awa bugadira, God da ingo be da. 14 Iji ainde awa, Bada Iesu awa simbs isira, uso gitopo embomei mi teida dorisera. 15 Awa sedo, unemi jasiga borega ewamei be natopo atarase sedo isira, ungo embo. Asisi kotopu mi daedo ingodena tega arase ititisira. 16 Giti be awa Bada mi sisira, eiyawa naso God da atari jero nanemi buro embomei de daedo isena. Iji ainde, awa Bada mi sisira. 17 Bada mi sisira, ago dari eiyawa nanemi itadena, iji pira ainda, edo daedo ingoda jiro kotebari mi ingoda jo be ainda awa kotadewa. 18 Boroko awa jimbo bebegae awa jasiga borega ari sago ae. 19 Awa sedo, nano namendi ingodena gebe arimi Bada Iesu da jero kotopu ororo mi segadira ainda torore. 20 Emone rawodo atadera ainda atari seka awa Bada mi utuda usasa parara awodo pirigedo doturisira. 21 Aind be awa ingodena God da buro ari embo awa God da "Oro in Be in Ainda", atadera. 22 Ingodena ge be ari mi Bada da dombuda jo berari mi ge be ise dubo ewamei de deade umo pusaki awodo awa wowosirari kotebari bebegae awa segadira, ingae naso tamo awa daedo segardira umo seka awodo mi ewamei adira. 23 Ingodenaso jimbo awa berari bejadera edo tumonde ari itadera, ainda be awa God uso sari gari awa gebe adera. 24 Indogena awa rawodo edo embo budo dada edo dubo mina bara ise buro ewamei ro berari bugutira awa adera. 25 Ingode naso kasari da dada ari awa mana doadera, ainda be awa embo nenei awa buro awodo mi tamo edo doregarida purae edo era. Nei da awa, ingodena awa ge mi dedegari mina sara adera, edo daedo awa Bada da bugari iji asusu burira ami dedegadira. 26 Ainda be awa, ingodena matu awodo jimbo bebegae da durido erido adera gido awa, Bada mi jiro kotebari ewamei be itari God jasiga borega ise jimbo bebegae awa sekago adi ae atadera. 27 Ainda konda awa, emimi sira awa, oju mi imo buro ro koteburesa wa ijegadira gido re God da wasiri mi imo tambadira, edo amone God da tini gambari awa yawo awodo gitopo da yei da ijegadira. 28 Embo amemi Moses da ago dari awa ujo ae adera gido awa berari tambadera, ainda be awa jo ari awa atae adira. Embo etoto ta tamonde amimi ungoda yei da wasiri gorobade matu ro ijegurisira awa indiga adera. 29 Riroga nembo be ro inge awa doari bugadera, edo amimi ari God da mei Bada Iesu awa ororo mi God da atari jero awa be Asisi da usasa parara de mi yei awa siradira. 30 Ate Bada Iesu uso embo mi awa soregurisira ungoda biae da. 'v 31 Eiyawa oju ari buro be awa rora eia God da ingo be ainda ijegurisira. 32 Ate iji matu ainda awa buro okain be edo isera. Iji ainde awa embo mei mi okain be awa tambudo isera, ate iji nenei awa embo mei budo dada edo dubo ewamei tambudo isera. 33 Awa embo ingode wujegari mi engiregari oroda atena awa dubo ewamei edo ijegadena, rora ro berari awa doregari budo dave edo petadira. 34 Ingo isuka gadewa awa rora berari awa ingo topo. 35 Awa embo gae gae edo ingoda kotebari gorobade awa doawo, amimi ari ingoda dave awa amboda tambadera. 36 Awa embo ungoda ambuya ari mi sari gari ro sisira awa berari adera ainda joda awa God da dipapa berari awa etera gido, uso awara ari awa itadira. 37 Iji tupo be awa Bada ingode naso yei da bugadira, ate ainda amboda awa iji tupo be awa ingode naso dave mi edo gebe arimi iji ribori be awa atadera. 38 Ate ge da sadena awa, gebe ari tumonda ari mi awa ewamei be awa atadewa. 39 Awarate, ingodenaso wasiri mi ae sumba adera gido awa ainda konda awa gebe ari mi ingoda kotebari berari awa edo ainda petadewa.