1 Nango boroko ro sera ane eire, ingode naso giti jigari utu da ainda anubedo atira. 2 Edo umo agipo ise yei kotopu edo tendemba ge be Iesu mi itiri pepetisira ainda, embo da ingo mi ae, ata God mi itiri siroro isira. 3 Awa sedo giti jigari nembo gambo berari avigurisera Asisi da kando edo rorou itorase. Awa embo da ainda petedo dawodo era, edo rovi ravi unemi rorou itido ira, awasedo umo usuka awa rorou ititisira. 4 Edo boroko Iesu busu da atae etira awa umo giti jigari nembo diba adi aera, ainda be awa kando rorou itari embo nenei matu atima isera awa embo. 5 Edo ungo buro isera awa utuda da kariwa awodo, utuda rovi ravi da kariva ainde daedo. Awarate, God mi Moses awa ago dari ititisira, tendemba kotopu tuturo adesa uso gari kariva dorise uso yei jigari gosise, da awodo awa orase sisira. 6 Ate boroko awa Iesu buro ewamei be burisira edo umo awa ago dari soropu da pepetisira, sari gari ewamei be ainda petedo atima ira. Embo da kotebari berari awa budo God da yei itido era. 7 Edo ago dari awa ewamei gido awa ago dari amboda awa dipapa adi aera. Ate ago dari giti awa biae etiri gido awa seka ititisera. 8 Ate God embo da yei biae tambusira, edo unemi sisira, iji bugutira awa nanemi ago dari seka itadena Israel embo mei de edo Judah embo mei de deado. 9 Edo ago dari awa matu ungo da apie umbogo da yei ititisera awodo ae, nanemi ungo Egypt busu da naso ingomi giti jigido budo ijegurisena awa sedo ungo ago dari awa agipo ae isera awa Iesu mi sisira. 10 Awa sedo, ago dari yei awa nanemi Israel embo mei da yei iji amboda, ungo da jiro da gaiadena, edo ungo da giti jigari, ungo naso embo mei adera awa Iesu mi sisira. 11 Edo ungo kinapeina, de embo nenei de nano namendi awa atopatadera, edo mina sara adera God averi awa gadera, edo ungoi God awa kiambu awodo bugudo nembo dibada isira. 12 Edo nano namendi da wasiri bebegae awa jo ise ungo da jimbo awa ruveged isera. 13 "Awa sise, unemi God da atari jero awa seka isira matu awa dotiri mambusira.