1 Edo iji ainde nati Salem ainda embo jawo Melkizedek awa God mi uso buro embo arase sisira, awa etiri Melkizedek mi Abraham de isoro gaedo egenebedo butiri soropu da tambudo umo ewamei isira. 2 Abraham mina uso yei guru gaiapa mi gogumburisira. Awasedo Abraham da jawo ainda awa be moka edo bibinago be etiri gido Melkizadek mi uso sisira, iso jawo ainda, awa bega. 3 Awarate embo awa ai mamo atae, nano namedi edo teotopo ataera, uso tuturo edo sangove awa atae. Ami etiri gido umo awa teta God da mei mi atarago edo isira. 4 Ate embo jinjeri eiyawa, uso yei mama Abraham mi guru gaiapa isoro ise bari awa ititisira. 5 Ro seni, ungoda ago dari da atira awa Levi da kinapeina mi embomei da yei kando ore, embomei awa uso nano namedi edo Abraham da orobera. 6 Awarate, Mellkizedek umo uso orobe rawodo bugari awa gaerate aturi Abraham mi uso yei ewa gaewa edo isira, edo amimi God uso sari gari burisira awa ewamei be edo isira. 7 Awodo edo iserate, umo tinigambari aera, umo usuka itiri wosetiri mei kaimbu sira edo embo nembo gambo mi umo ewamei isera. 8 Dawodo embo tamo pisidemi ewa gaewa awa budo jigama ise atima isera. 9 Awa ge mi setero, Levi uso rora ro embo mi itisera awa Abraham da yei kando awodo itido isera, ainda be awa Levi uso nombo apie da joda atiri awa Melkizedek umo Abraham awa tambusira. 11 Eiyawa, bibinago arida ge awa Levi uso gitijigari da awodo bugadira gido awa [tuda embomei awa ago dari awa badera], ate buro nei da ro atira ami awa giti jigari nei bugarase sisera, Aaron da jawo awa atae adira? 12 Awarate giti jigari awa doari inge adira ane dari seka awa itoro petadira. 13 Ingo embomei eiyawa, orobe neira sisera, awodo sadera gido awa uso tendeba kotopu itadira iji ainde ingo ewamei ari badera. 14 Edo boroko isaga ira awa ingode naso Bada awa Judah da orobe da edo bugusira eire, ate Moses mi orobe ainda joda buro embomei atera awodo awa sae isira. 15 Edo ge eiyawa isaga be ira awa eire, God uso dipapa be awa use buro embo mei berari awa teta Melkizedek inge orase sisera. 16 Awa sedo umo awa God da buro embo awodo isira ane pisida ago dari ainda derido aerate God da goroba mi biae awa ari wasiri arase. 17 Ainda jiwari mi sisira awa ungodena awa uso buro embomei teta Melkizedek dawodo. 18 Be gadewa awa ago dari matu awa dotero demonda wosedo atae isira, ainda be awa ago dari awa goroba atae edo jigama da atae. 19 Ate gebe gadera awa ago dari mi nei roae bibinago awa sedo ge be ise tumonda arimi wasiri ewamei berari ami ari ungodena God kena asusu badera. 20 Ungomi nenei sari gari ititdo buro aera, matu da nenei mi tepo isera awodo ise atima era. 21 Emi sira awa Iesu da sari gari God da yei itido buro embo etiri gido God uso yei sisira awa imo iso kotari mi, mina bari mi gae gae edo sari gari seose. Ainda be awa imo ewamei badiae awa sedo ate edo gido jo berari mi natopo buro embo awodo atadira. 22 Ate eiyawa giwo, Iesu da bugari mi awara ari itiri God umo uso embomei da yei ro aetira sisira awa etiri ewamei be isira. 23 God uso buro embomei matu da awa engembae isira, ainda be awa betari mi ungoda buro ise atae etero awa beugurisira awasedo. 24 Awarate, Iesu awa wasiri natopo de atima ira, awasedo umo buro embo awodo natopo atadira. 25 Ami sira awa ingodena awa God da mei Iesu Keriso da yei bugadera awa soregadira, ainda be awa umo soropu embo awodo ise ingodena awa embo, iji berari da pari sise atima ira awa sedo. 26 Awa ise atore, ainda be awa Bada awa Kotopu be, bekuba atae, edo bibinago be, umo jimbo bebegae ari embo mei de asusubae edo ira ami utu serigedo vivitisira. 27 Bada uso dipapa topo awa aerate, giti jigari awodo usuka be awa teta rorou wasiri de, iji berari da itido isira. Uso jimbo topo awa itido kaveregedo embo nenei da awa itido isira. Uso betari ijide betisira ami berari atae isira. 28 Edo avekave mi ago dari da derido giti jigari isira awa uso ae sumba ami edo isira. Ate uso sari gari sisira awa Bada kotopu be ami avigetiri bibinago be isira.