Chapter 6

1 Awa sedo ingode Iesu da ge tuturo be awa dodo ingode, jo kena mambore. Ingode sekago jimbo wujegari da tutuvi awa derore. Edo betari da buro ise, God da ge moka be rori awa gore. 3 God awara adira gido awa ingode adera. 4 Ate eiya awa okain bera, ainda be awa amemi uso yei parara jateburira edo utuda Asisi Kotopu - kando gorobade awa budo kando kataba edo bore. 5 Edo amemi God da ge ewamei gorobade gambudo gido ira ami iji sangove da bugutira awa gadera. 6 Ate embo awe bundari da atiri awa sekago joda torari kato ae ainda be awa ungoi God da mei Iesu awa oregada dorisera. Edo embo da dombuda teta jimbo biae embo awodo. 7 Busu rawa ga dave budo ira awa yi ve sia erido ira. Edo yi be awa ewamei adira ge eiawa embo da wasiri da ge sisira. 8 Edo busu rava vive erido ira awa God mi bega da edo sangoveda awa yi awodo God mi diugadira. 9 Awa sedo ingodena ge ewagaewa sise kotari ewamei de dubo mina bara ise kaviegari natopo amboda tambadera ainda ge awa sise atore. 10 God awa tepo tapo embo aera, awa embo God mi buro esa gosira ainda be awa iji sangoveda awa ingo wasiride natopo atari tambadera. 11 Edo nango jo de dipapa era awa ingo da da awa wasiri ewa gaewa awase dipapa be era, awa adewa ami iji sangove beda awa God mi ingo uso atari jero ainda itari atadera. 12 Awa embo, embo amemi mana begogo adera ate kotebu, kotebu ise, God ambo, ambo are, edo awa esa ami God da sari gari ro isera awa tambadera. 13 Edo God uso sari gari Abraham sisira awa umo usuka uso bemi sisira, ainda be awa God mi sisira awa embo nei demonda Abraham awodo atae. Edo God Abraham da jo poporo be awa gosisira. 14 Edo God mi Abraham da yei sisira nanemi imo yei ewamei adena edo iso jawo jigano inda vitadira. 15 Emboro eiyedo da awa Abraham jawode isira, edo Abraham jamo edo simba ise atiri God ge ro sisira awa etiri isaga isira. 16 Embo awe ituri vivitewora awa God mi itari wosadera edo God mi itari vitadera iji sangoveda. 17 Edo God rora ro koteburisira awa etiri inono be isira ainda be awa God uso ge da kavere gedo. 18 Aiyana sisira awa rorae etoto awa God mi ge berari kato ae ingodena awa oju embomei edo atoto embo awodo awa uso yei mambadera, uso goroba mi jigari ingode naso ge be ari awa okain adira. 19 Edo ingode naso tumonde ari itiro awa God da Asisi kotopu mi ingode naso jo da bouga mi ga karigedo jigido atima ira da awodo jigio atare. 20 Edo Iesu awa giti be ingode na awa embo, ingode naso jeroda unemi mamo da yei tuturo isira, edo umo giti jigari nembodiba isira, mamo daedo atima ira giti jigari