Chapter 3

1 Awarate nano namendi kokotopu ingodena berari awa utuda jawo sisira aingode kando kataba isira. Iesu awa kotebewo uso ambojimbi de, God da buro embomei edo giti jijigigari de ingodena berari ainda biae wujegarira. 2 Umo uso ge berari embo umo avigurisira awa kera isira, teta Moses mi God da orobeda isira awodo. 3 Umo usasa parara badira awa isira, Moses awa badi aera, embo da amemi orobeda jigari eradira awa sapo ari nebodiba badira, ate orobe awa umo usukara. 4 Orobe awa embo mi jigoro erido ira, ate rora berari jigiri eririsira embo amone God ra. 5 Moses God kera isira, orobe berari ainda. Matu rora berari ainda. Matu rora berari ijegurisira awa sadera, amboda ro bugadira awa embo. 6 Ate keriso mei awo da uso mamo God da kera ari embo God da orobeda giti jigari nembodiba isira. Ingodena awa uso orobe awodo ingode bondo jigadera, ingodena sasain burima edo jomi kataburise ingode nasuka jigaro eradira. 7 Awarate amone Asisi kotupu mi sisira, boroko imo God da be opu inigido gido - 8 Jo okain eose, teta iso mamo umbogo mi yei iji gombu atae da God kera ae isera awodo. 9 Yei ainda iso mamo umbogo kera ae isera edo na itido gadi isera ate ungo naso buro gosisera. 0 Duberi 40 ainda joda awa sedo na ungoda apipie seka awa doturisena, edo sisena ungoda jo dongono etira awa sedo naso emboro ungoi gadi aera. 11 Na ungoda yei tini gambari edo sari gari sisena ungo mana jango indari yei da toradera. 12 Gido gogowo ewo nano namedi gae gae edo ingoda joda Asisi biae gebe ae ari mi God natopo atari awa dodo mambowe. 13 Ate iji natopo ge mi kondade mina ara ewo ainda bere ingo boroko jawo sira awa sedo, embo nenei ingode daedo atera awa jimbo bebegae adera. 14 Ingodena boroko awa keriso da orobe edo otatao etera, ingode naso sasain barimi ingo okain be mina jiga adera. Edo mambudo tuturoda edo mambudo sangowe da adera. 5 Eiyawa jiwa rimi sisira, boroko imo uso be opu ingido gido iso jo okain eose ta iso ge jinjarimi. 16 Amemi uso ge ingido ge jinjiseri? Amomo ungo berari Moses mi budo ijegae doturisira awata? 17 Embo mo ande duberi 40 ainda joda tinigambari isiri? Amo ungo jimbo bebegae isera, edo yei iji gombu atae ainda durido bebete gurisera ami isita? 18 Embo mo anda yei da umo sari gari sisiri ungo mana uso jango indari yei toradera, awodo ae adera gido uso ge kera ae isera amimi iserita? 19 Ingo de gosera ungo awa begada torari katogo ae ainda be awa ungoda ge be ae ari ami.