Chapter 4

1 Awa sedo, ingodena awa oju adera , ainda be awa sari gari sisira awa atima ira awa uso soregari da, ingo amemi gae sumba ewa gido awa jajowe gedo atewa tambari sago ae. 2 "Ingodena awa binga sari awa setero gosisera. Ate binga berari ingisera awa bae sumba isera, ungomi joda ge be ae isera. 3 Ingodena amemi ge be adera awa uso soregari tambadera awa Bada mi sisira. "Na ge be ena, ungomi mana be awa jango indari yei da toredera." Edo daedo, Bada uso buro ro busu einda isira berari awa atae isira. 4 Ainda be awa iji nenei ge sise iji kotopu da ge sedo isira, "God buro berari edo budo sangoweda awa iji kotopu ainda awa jango indisira awa sisira. 5 Edo sekago ge dawodo sise" ungomi mana be awa naso jango indari yei ainda toradera sisira." 6 Awa sedo iji natopo atira edo mata atadira ainde embo nenei ungomi matu be binga sari awa atopatido iserate, embo mi ge ingae edo isera ainda be awa ungoda bebegae mi apuregedo isira. 7 God sekago iji nei itido jawo sisira, iji awa "Boroko" eire. Matu da iji puma edo isira ainda David kena, Bada mi sisira. 8 Joshua mi sisira God jango indari iji nei itadi aera. Awa sedo, God iji kotopu ititisira, awa uso embomei embo. Ate ingo embo amemi God da iji kotopu ainde jango indewa gido re God da dipapa be ainda atewa awa gadewa giwo. 9 Awa embo, ingodena berari dubo ewamei de daedo jango indari da toradera, embo amemi bebegae da duradi ae. 10 Ainda be awa God da ge Kotopu, ge Wasiride, ge Jinjeride, kaia di etoto awodo vegedo atima ira, ainda joda Asisi da kotebari awa kausugedo siso, siso edeira, edo kotebari ro edera awa deuri kapedo ira emboda jo be ainda. 11 Rora ro God da dombuda unjugadi ae, jimbo berari awa God da yei arapa adera edo itoro berari ijegadira. 12 Awa sedo, matu pewora einda joda atopatari mi utuda God da mei Bada Iesu Keriso da ge ewamei edo siriroro ingode ge be adera ainda be awa ingode naso atopatari mi oro ingodena atoto adera. 13 Ate umo ameni bawarida duradira gido ingode edo gido ungoi oro goroba budo God da atari jero ainda ewamei be awa tambadira. 14 Awa sedo, ingode God da jo ari burise kondade ari buriroro ingodena kondade adira.