Chapter 5

1 Awa embo God ingege ewo, uso dubo bari kinapeina awodo. 2 Edo dubo barida pepeta ewo Keriso mi ingodena dubo burisira awodo edo uso wasiri ingodena awa embo ititisira, God da rorou kotopu awodo. 3 Ate ingoda joda viro paima awa ature, dongoro or jinaga, ainda be awa rora berari eiyawa God da embomei da yei awa ewamei aera. 4 Rora bebegae awa ature, jiro ambubu da ge, edo viro ganini tepo tapo berari awa be aera. Einda konda awa atega butega awa atare. 5 Keriso ae God da ungoda atari yei ainda awa viro paima ari, dongono, o jinaga embo awa, embo awodo awa God da atari jero da atari katogo aera. 6 Embo nei mi imo mana gebe atae mi mana gandubadira, ainda be awa rora emimi God da tini gambari awa bugadira embo amemi kera ae era ainda yei. 7 Awa embomei eieyedode umo jigose. 8 Imo awa matuda tumbada atisesa, boroko awa Bada da usasa awodo atesa. Usasa da kinapeina awodo pepeta eyo [9 ainda be awa usasa da yi be awa ewamei ari, parara, edo gebe aridera], 10 Edo Bada da yei rora bibinago awa atare. 11 Tumbada atari ainda wasiri awa ingae eone, ate kundo arapada itio. 12 Unjugarida wasiri awa arapada itadera gido awa me gari awa bugadira. 13 Ate usasa mi ari benibadira gido awa be isaga, be isaga adira. 14 Ainda be awa usasa mi ari rora berari awa arapade petadira. Awa embo sira awa, " Erio, ewo ditida, betari dodo erio, aso Keriso mi iso yei." 15 Imo rawodo atesa awa be jinjibedo gogo eio - jiro ambubu awodo aerate jirode peteyo. 16 Iji awa ombudo buio ainda be awa iji berari awa biae gido. 17 Awa embo, jiro ambu eose, ate Bada da dipapa be mo rori awa be gido gogo eyo. 18 Edo umo okain indose, amimi ari wasiri bebegae adesa. Awa dodo, doio Asisi kotopu mi imo sirare, 19 iso jomi berari Psalms awa ajigeyo, hymns edo Asisi da ja awa seyo, ya sise iso jo mi Bada da yei seyo, 20 Rora berari awa embo God ategeyo, Bada Iesu Keriso da jawod God mamo da yei awodo, 21 ingae na awa uso yei itadera ingodena berari mi Keriso awa jata ise atadera. 22 Aro asini ungoda ibono da yei doyo wasare. Bada da yei esa awodo. 23 Iu awa aroda giti jigarira, teta Keriso church da giti jigari, edo jumo awa soregari embo gido. 24 Ate church awa Keriso awa embo da awodo aro asini awa rora berari ungoda ibono da yei iktido doadera. 25 Iu ibono, ungoda aro asini dubo buwo, Iesu mi church dubo burisira dawodo edo umo usuka itido doturisira. 26 Keriso umo usuka church awa ari kotopu arase ititisiria, unemi umo mi uso geda edo busira awa ari ungode, 27 na bugudo ewamei be awodo petorase, dongono ambu, enjebu be or rora nei awodo rate kotopu edo buriga ambu atarase sedo. 28 Gari dawodo iubono edo gido ungoda aro asini be dubo budo gogo adera ungoda tamo topo dawodo. Embo amemi uso aro dubo badira gido awa umo usuka dubo burira awa gadira. 29 Embo amemi uso tamo awa gido garago adaera ate, undise ewamei beda simba ise, gari dawodo Keriso mi uso church undise simba ise, giti jigido ira awodo, 30 ainda be awa ingodena awa uso tamo da ainda. 31 "Einda be awa embo da awa uso ai mamo ga awa dodo edo imo uso aroga etoto rate budo tamo pisi da awodo adera". 32 Ge moka be eiyawa unjugari rate ge awa nembodiba bera - ate na awa Keriso uso church de awa embo sena. 33 Imo koteburesa awodo aerate, ingae na da da awa edo gido uso aro topo awa be dubo budo gogo adera umo usuka, edo awa ise aro awa uso iu awa kotopu adira.