1 Kinapeina ungoda ai mamo sapo ewo awodo adewa awa Bada dubo ewamei adira. 2 Iso aia de mama de kotopu eyo ainda be awa ago dari giti beda atira edo sari gari deda ami imo busu da borere atadesa. 3 Awodo adesa ami imo daedo ewamei adira ami awa imo busuda borere atadesa. 4 Mama iso kinapeina awa aso jo memesi eore, ate ungo jiro itio ungo Bada da ago darida atore. 5 Edo buro embobo awa ungoda embo nenei da giti jigari awa kotopu ise oju ore, ungoda joda gebe berari mi edo kera da awodo awa Iesu kera ore. 6 Iso giti jigari mi imo gosiri kera esa da awodo awa Iesu da agipo ari embo mi edera awodo edo God da dipapa be jomi edera awodo. 7 Iso jomi kera esa ane Bada kera esa ate embo kera aera awa kotise kera eyo. 8 Ainda be awa ingodena gosera awa embo da da wasiri ewagaewa era, awa umo ainda mina awa Bada itari badira, umo gitopo ta topori awa. 9 Giti jigari, iso buro embomei awa simba dave eyo edo simba biae eose, imo gosesa ungoda edo iso giti jigari nembodiba utuda atira awa uso yei da embo da dubo bae edo ira. 10 Ambo be da awa Bada da goroba da edo uso wasirida peteyo. 11 Edo God da isoroda gi-emi itido imo derido gogo edo awa binei da kotebari awa atae edo daedo embogo eyo. 2 Ingodenaso jarojaro tamo pisi edo ororo de mina mina arida giti jigari edo mina mina arida babajegari edo mina mina arida goroba edo boroko tumba da Asisi bebegae awa mina mina era utu natida. 13 Awa sedo God Asisi da diga pera awa itido, derido petedo iji eyedode binei ga da embogo ase, edo sangoveda awa imo petedogo etesa awa gadesa. 14 Edo petedo isoro bupuri awa itido edo ewamei da bere jigio. 15 Edo iso tei pogo awa tei da itido edo sia eyo begada binga ewamei awa sadesa. 16 Awarate rora berari da awa iso tumonda arida bere re eire, bineida gi awa bugadira awa derido badesa. 17 Edo soregari da gobe edo Asisi da kaiya de edo God da ge de awa jigiyo. 18 Daedo benunu de edo sedo garide berari awa iji berari Asisi da derido benunu seyo sangove einde iji berari gido gogo eyo edo natopo ise iso benunu embo kokotopu berari de awa embo seyo. 19 Edo na embo benunu seyo, binga naso yei ititirari na begiti pirigurari, benunu seyo na binga ewamei ijegari awa ano emboda yei isaga are. 20 Binga ewamei ano, na giti jigari na gajari oroda atena awa iriroso na goroba edo derido ge arapada sane. 21 Tychicus, dubo bari namendi Bada da agipo ari singa ami imo sari gadesa rora berari awa, ari awa imo gadesa, na ro eni awa. 22 Nanemi umo iso yei iteno mambira ainda be awa, embo amemi nango rawodo ateri awa gadi ae, unemi imo dengoro ari iso jo ewamei are. 23 Nano namendi bega atare, edo dubo bari de gebe aride God mamo edo Bade Iesu Keriso de daed. 24 Sonebari berari da yei edo umo Bada Iesu Keriso de daedo dubo mina bara edo ira.