Chapter 4

1 Edo na awa Bada uso buro embo awodo ungo da yei sena atari kumbari ingoda awa ewamei be pepeta adewa emboro be ainda pepeta ewo. 2 Na ingoda yei sadi ena awa eire be giwo wasari edo sasainbawe saboa edo jao tatode itiwo mina semba are God uso dombu be ainda atawe. 3 Iji berari da wataki ewo awa irirowo God da Asisi kotopu mi umo jigari jo usoda bega mi sirari beda are. 4 Ate be giwo ingodena awa tamo edo Asisi be awa sedo God mi ingodena awa jawo sisira umo tumonda ise atorase. 5 Awa sedo Bada awa gebe arida edo umo mi ewamei adera. 6 Edo God awa da b e busu berari da mamo, uso buro awa in be da, yei berari da edo embo berari da joda. 7 God uso sonebari awa embo berari awa embo itido ira, da Keriso mi uso kando ewagaewa embo da yei itido ira awodo. 8 Eiyawa uso jiwarida sari atira awa, umone ingo beda vivitisira, uso embomei bundari da awa daga budo vitido ungoda ewagaewa awa ewamei ari borose. 9 Umo in beda vitira ainda ge susu be awa ro seni? Vivitisira ami sangove ae ate umo sekago enda da wowosisira awasedo. 10 Embo enda tuda wowosisera da mi rora berari awa sirigedo vivitisira, utu da awa ami uso ewamei mi sirari beda adira. 11 Iesu Keriso mi uso ambo jimbi jawo sedo, ungo katabu katabu edo binga ewokawo itido isera, nenei awa umo ambo, ambo orase sedo, nei awa binga sari embo, nei awa embo God gae awa ujugari gadera, nei wol mane simba edo isera, nei awa atopatari embo. Buro ewo kawo ami God da embobo kondade ari God da church oro bajarase. 12 Binga ewamei itiri pepetisira ainda be awa umo ari ari embo mei awa buro ewi kawo ise Iesu Keriso da tamo awa oro bajarase. 13 Iesu Keriso matawa uso church da gerigedo ira, euri ingodena berari uso ge be arida dada edo era, edo uso da da ari edo uso garida, ingodena bajido Keriso da jo beda atadera. 14 Keriso mi ingodena gerigedo ira edo, gerigari kinapeina memeia eiyawa vitido wosedo edo ira awodo atorose edo ato patari bebegae bisara edo buro neide kainde adera awodo sedo isira. 15 Ainda konda awa dubo barida gebe ari amimi ari emboro jiwae beda babojise Keriso ingodenaso giti jigarida jawoda awodo atadera. 16 Iesu Keriso mi tamo awa euri bajido ira, euri wuwuro jigido atima ira da awodo, edo tamo berari jigido atise tamo awa euri bajido ira, ise umo usuka dubo bari mi bajido ira. 17 Awa sedo sekago Bada da jawoda sena awa ungo embo Jew orobe ami aemi atima isera awodo atowe, jiroda ewamei da ro atae. 18 Ungoda jiro awa tumba mi dogari, kotari ewamei da ro atae, ungodena atari God da dipapa da awodo atae era ainda be awa ungoda jo okain ami euri God gae sumba ise atewa. 19 Embo mei awa mei atae mi atarago ise ungo usuka kotari bebegae ise atae sumba edo era. 20 Awarate Iesu Keriso mi imo awodo atopataera. 21 Na gebe ena ungo Bada awa averi awa gosisera edo ingisera. Uso atopatari itiri burisewa awa sedo Bada awa ge be da susu ra. 22 ungo atopatetiri gosisewa rorae bebegae berari ungoda wasiri matuda awa doawase, ainda be awa embo ogo uso ari bari bebegae ainda atise uso dipapa adi ujo ira awa sedo. 23 Ungo Asisi mi jiro segari seka adewa ainda atopatari awa itoro badewa. 24 Awa sedo embo seka arida giro ami dogoro ungo apuregadira awa deado itoro badewa. 25 Awa sedo ge usowe ate gebe namendi ga mina sara ewo ainda be awa namendi ane ungodenaso orobera. 26 Doaso iso tini gambari mi ari jimbo eose edo matawa tini gambaride atiroso ongobo eure. 27 Edo binei da yei jero itose. 28 Embo amemi bengono songana ise atewura awa sekago adi ae. Ungo edo gido ungoda ingo tei awa ewo buo ise atare. Edo rora ro badesa awa mina itae edo era. 29 Doaso iso beda opu masa biae ijegeure. Ge embo nenei kondade adira ge ami seio. 30 Edo God da Asisi kotopu ganu beove, ainda be awa unemi ingodena awa ewamei isira, ainda kaviegari itari borose sedo. 31 Ungoda yei mina bari bebegae, gogo dimbari edo tini gambari eowe, ge bagose edo biae seose awa berar doae eterita? Da awa aerate binei da ari bari ingodenaso kotarida da buro edo ira awa sedo. 32 Jao tatode umo jigari ewamei berari mi ewo, duba mina bara ise, kotedo mina doa ise atiwo, sena ainda be awa ingodena awa matu Iesu mi kotebedo dotiri atae isira awa sedo.