Ainda be awa na, Paul, awa Iesu Keriso da engiregari embo awodo gitopo emboda yei pepetena. 2 Na koteburena ingo awa God da kondade arida kando itari awa naso yei ititisira. 3 Na wa ingoda yei jiwena karigari eiyawa ingoda yei karigurisira. Eiyawa unjugarida gebe nanemi ingoda yei gaisena. 4 Ingomi eiyawa ajigadewa aingode, ingomi ge awa be gadewa naso gebe arimi unjugarida mi. 5 Mamo umbogo da ijide gebe eiyawa ingoda yei isaga ae embobo da yei kinapeinda yei. Ate boroko awa Asisi mi isaga isira uso ambo jimbida yei edo uso binga sari embomei da yei arapa isira edo ungo awa katabedo itiri buro eiyawa orase. 6 Gebe ari unjugarida awa embo aumo awa ari uso embo kotopu ungoda tamo da papatu awodo edo Iesu Keriso da binga sari uso geda edo pira awodo. 7 Edo na binga ewamei da buro ari embo awa kando God da kondade ari ainda gorobada naso yei ititisira. 8 Naso yei da na awa embo kotopu nembo gambo awodo aera kondade ari eiyawa ititisira, binga ewamei aumo embo mei da yei Keriso da yei da rora ewa gaewa ingode eura edo tambari katogo ae, ainda be awa nanemi usasa awa kundo bugadena embo berari da yei edo uso buro itiri pepetisira ainda joda edo God rora unjugurisira rora berari siroro isira ainda joda. 10 Sari petari eiyawa church da joda ijegurisira ainda be awa giti jigari embo mei de diti awo ari embomei de utuda atari jero berari awa budo busu tamoda wasiri berari awa God da dubo bari da derido gadera. 11 Eiyawa ijegurisira awa sari petari natopo atima ira awa Bada Iesu Keriso mi etiri be isira. 12 Keriso da joda edo okain edo uso yei tumonda ari awa be uso yei gido era ainda be awa ingodenaso gebe ari uso yeida amimi. 13 Awa sedo na ingo nganega ena ingo dubo memesi eowe ainda be awa na ingo embo memesi burena, awa ingoda jatebarida. 14 Ge emimi siri gido na awa mama da yei baingo dederi ena, 5 ainda edo orobe berari utuda atera edo busuda atera awa jawo sisira. 16 Na benunu sena awa umo ingoda yei rora itadira awa, uso rora jiwae bede uso usasa da edo puma ira, unemi ari goroba be goroba adira uso Asisi da awodo iso joda atira tega dawodo. 17 Na ingoda yei benunu sena Keriso awa ingoda joda atare ingoda gebe arida, edo ingo be uso dubo barida besisi gambadira edo tutuvi awodo petadira. 18 Ingo awa goroba edo petawase sena, petedo ingomi goise be gido gogo adewa, God gebe ari embobo de, uso beraga mo rawodori edo uso ribori tega rawodori, uso inda tega rawodori, edo kapuru tega awa, 19 edo unemi Keriso da dubo bari awa gido, mambudo jiro gari awa serigedo, edo amimi ari umo awa God da kapuruda beda be adesa. 20 Awa sedo boroko unemi ari rora berari kapuruda atira ingode nanemi nganega ise koteburise, uso gorobada derido buro ingodenaso joda buro edera, 21 Uso yei da sago gari awa doregari oroda edo Iesu Keriso da jawoda dega poga awa mata awa atadira. Awara.