1 Ingo da yeida umo jigari edo ge babaga amo nonda edo butiri ? Edo amomo ingoda tamonda dipapa ami ari jo yaviri adewita ? 2 Ingo dipapa ewa ,edo bae edo ewa . Ingo dorero bebetera edo dipapa ewa awarate ainda be awa tambae ewa . Ingo embowo jambowo ewa edo ge babaga ewa ,imo bae esa ainda bere imo sedo gae esa . 3 Imo sedo gosesa awarate be bae esa ainda be re sari mi biae sesa , ainda be re dipapa iso ainda jingama esa . 4 Ingo wiropaima embobo ! Ingomo gosewita ,busu de umo jigari amone God ga da itari sembari sago aera awasedo ungo amemi busu de otao adi dipapa era amone God da tini gambambari embo adira . 5 Ingo kotewa jiwari mi ro sira amo be aeta ? Asisi God mi ingode naso yei ititira amo bebegae busuda awa jode dipapa ira . 6 Awarate God mi ewagaewa awa jiwae be itido ira, awasedo jiwari mi sira," God embo jariga ira awa ujoae edo ira", 7 Awarate ewagaeva uso awa ungo amemi saboa ira awa ainda yei itido ira. 8 Asusu beyo God kena , awa aso umo imo kena asusu bare .Ingo jimbo embo,ingo da ingo awa segewo seka are. 9 Memesi be awa buwo edo mamaso ewo , ise ji sewo ! .Doyo iso iro jirari awa jojoga are ,edo iso jo yawiri ari awa tumba are. 10 Ingo ingosuka dowo wosari Keriso mi ingo awa jigari erave. 11 Naso nanonamendi , ge okain mi embo nein da yei seose . Embo amei namendi neida yeida ge okain mi sadira edo bebegae uso awa kasadira ,amone agodari awa kasadira . Awarate imo agodari awa kasadesa ,imo awa agodari awa ambo ambo ae esa . 12 Embo da be ami agodari ita dira edo kasadira ,embore unemi embo nenei awa kasadi gido esi ? . 13 Boroko , ge ingio edo imo sesa , boroko o ewudo ingode na awa nati einda mambadera , edo gyaiko da ainda atadera , edo origarori ise edo uso mina awa itadera . 14 Imo embo amei ro euma ijegadira awa gae atesa , wasiri iso mo rori ?Amone teta sipo mungo wosedo ira edo borere aebe manjedo ira awodo . 15 Awodo gido imo sae etesa , eiawa dipapa Bada da adira gido ,nangore atise eido ise atadera . 16 Awarate ingo jariga ge ingoda minonu sewa , amone binei da wasiri ra 17 awasedo ungo amei wasiri ewamei awa gosira ate wasiri da itae ira amone jimbora .