1 Naso nanonamendi, ingo berari ami atopatari adi aera ,ingo gadewa nango amemi atopaputera ane kasari nembodiba badera . 2 Awarate ingodena berari emboro jiwae be ainda durido era , embo awe ge uso da durae etira ,umone ewagaewa mi edo ira , edo unemi uso tamo berari awa simba ewamei adira . 3 Boroko ingode ambeda wo nembodiba da be da paka gaiadera amo ingana kera adira ,ingode nanemi uso tamo berari awa dedegadera . 4 Da awodo ewa da nga awa nembogambo be , awarate bisara inaka de pira amimi budo sumbudo ira , edo sarau nembae ami ambo jiguri mambudo ira ,imo yei rawa dipapa esa ainda . 5 Gari da awodo avewa ingode naso ,awa rora kiambu be ingode naso tamonda ,awarate umo awa sari nembogambo sedo ira ,da awodo yi awo nembo ae be ami ambe nembodiba awa gambudo ewudo ira .Awarate ,amone ta binein mi matu sirigurisira . 6 Avewa awa yi awo da awodo, busu da jimbo mi beda arira . Avewa awa tamo da patu nei ra, ami tamo berari eiawa iri dongono ira, edo yi awa da wasiri awa ituri ewudo ira.Awarate ,amone ta binei mi matu sirigurisira. 7 Awarate ,maine wo, ri memei ,ingaba mane awodo edo ewa da roviravi amone embo mi oro ungo tamo adira . 8 Awarate embomei avewa awa oro ungodena tamo ari sago aera . Amone binei be ra bebegae mi inono be arira . 9 Rora da ami ingode Bada jasiga ise edo da ami warere gedo embo simboro pigedo era , embo God teta umo inge isira awa . 10 Da awodo ,deda ainda ewagaewa budo ira edo simboro budo ira ,naso nanonamendi rora eiawa do awo ijegeure . 1 Umo uriri da ainde porere edo tokaka awa budo ita ? 12 Naso nanonamendi sewogane yi fig mi olive adita ? O grape wine mi fig adita ? . O 'ko umo tokaka mi umo porere itadiri?. 13 Embo awe awa jiro de dubo de edo gari kumbari de ingoda teda atiri ? Dowo embo amei wasiri ewagaewa awa karigadira uso buro saboa ari mi edo dubo gari mi . 14 Awarate , iso joda embo nei gido sari edo dipapa atadira awa gaegae edo gebusedo ge moka be ainde minamina eose . 15 Imone dubogari utuda edo puma ira awa aera , awarate imone wasiri busuda ,asisi atae binei mi sirari . 16 Awarate ,ainda gido sari ,edo dipapa da asisi ainda awa jarojaro edo wasiri binei da awa atira . 17 Awarate , dubo gari utuda edo puma ira ainda dongono atae ra edo bega ,dubobari , jamojamo ,ewamei be , jo ari mi bedari ,edo be ewagaewa de ,be dada ae ,edo ewamei bera. 18 Awarate ,ewagaewa da be , awa bega da joda gowedo ira , embo bega atira ainda yei.