TANO 2 . Papatu 1 edo 4.

1 Naso nanonamendi ,Bada Iesu Keriso tumonda ise gido tega da awodo nanonamendi dubo buwo. 2 Awarate embo awe kawe giro sagiro itiri gambira dada arida mambutera awa tega da awodo embo giro sagiro dongono de mambadira . 3 Imo embo ombaridigari ewagaewa de awa gido sadesa ," Imo awa yei ewamei einda anumbeyo" , awarate embo neiro atae ainda yei sadesa ,"Imo awa besaun ounda derio," 4 ingo mo ingo suka gido minasara evita ? Ingo mo binei da kotembari mi embo nei da bebegae awa kasedo edo evita ? 5 Ingiwo naso dubobari nanonamendi God mo embo busu da gayapa ae awa avigurira edo ewagaewa utuda matu sisira ungoda topo orase ita ? 6 Awarate ingo kerasapo ae embo saboa ! Ira ainda yei atae ,eia embo roviravi jiwae de ingo da yei biae sita ? 7 Ungo mo biae mi sedo iso jawo ewamei sera awa usibesi adi sedo erita ? 8 Awarate agodari ro jiwari mi sira awa awo be arase .Iso jao'namendi awa be jo de dubo buyo teta imo isuka dubo buresa gari da awodo ,awa esa ami mi ewamei be adira. 9 Awarate imo ganogano esa iso dipapa embo awa embo adesa awa imo jimbo adesa , edo imo awa agodari bejari embo adesa . 10 Ungo amimi agodari berari awa ambo ambo erate daedo durera gido awa, berari be bejetera ainda jimbo awa adira . 11 Embo amimi sadira ,ipuda beose ,sekago sadira daso beture . Awarate imo ipuda aerate deteso betetira awa imo agodari bejari embo . 12 Awasedo sise gido iwata da itio , teta ungo awe agodari mi kasera awodo . 13 Kasari puradira awa jode puradae embo awe uso yei da jo ari atae ainda yeida .Jo ari mi kasari awa ombudo badesa . 14 Naso nanonamendi ewamei mo rawari e mbo da amimi sadira naso yeida tumonda ari atira ,awarate uso yeida tumonda ari atae . Tumonda da ari ami umo soregadi ta ? 15 Iso namendi da ,edo ru da awe ombudo digido ae jarita ,edo indido kumbudo ae jarira iji ainde . 16 Edo imo ungo da yei sadesa begada mambuwo , vevera da atiwo edo indido kumbudo ewo . Awarate imo ungo da dipapa be rori ,awa kondade ae esa , ainda ewamei mo rori ? . 17 Gari da awodo , tumonda ari umo isuka buro ae adira ,amone betari ra. 18 Embo nenei sadera , iso yeida tumonda ari atira , edo naso yeida wasiri awa atira .Naso yeida ujugeo gare ,iso tumonda ari wasiri atae awa ,edo na mina naso tumonda ari wasiride awa iso yei ujugane. 19 Imo God da ge be adesa gido awa ewamei be . Awarate , da awodo binei ungo awa ge be ise dudugasedo era . 20 Awarate ,ingo gadi dipapa ewita ,embo jiro kiambude wasiri atae ,amone jingama ari sagoae . 21 Ingode naso mama Abraham wasiri ro ujugurisira ,iji awodo de Isaac uso mei awa mamo da yei rorou ititisira ami ewamei burisita ? 22 Imo gadesa ,tumonda ari de edo wasiri de awa buro dada edo ira edo wasiri ami etiri uso tumonda ari awa bebegae isira . 23 Jiwari da ro sisira awa be etira , awarate ,Abraham awa gebe isira edo ami etiri umo God da ewagaewa awa ombudo burisira .Awa embo umo awa God mi uso otao sisira . 24 Imo gosesa wasiri mi embo awa ewamei budo ira , awa rate tumonda ari da awa aera . 25 Awarate da awodo viro ewetu Rahab awa wasiri uso mi ewagaewa mo burisita ,iji aindae umo binga sari embobo awa ato edo budo edo emboro neinda dirigedo ? 26 Awasedo tamo pisi asisi atae awa betadira da awodo tumonda ari wasiri atae awa betarira .