1 Na James edo Bada Iesu Keriso da buro embo ra .Edo embo orobe 12 busu berari dada isera ainda yeida ategari ititena . 2 Naso nanonamendi wasiri bebegae neinde ingoda yei buwadira awa dubo ewamei ewo . 3 Dubo ewamei ewo ainda be awa amimi ari ingoda tumonda ari goroba adira . 4 Ingoda wasiri bebegae adewa awa dodo oju sumbuwo mamboweta dowo ingoda goroba nembodiba are . 5 Edo ingoda teda amei jiro gari badi dipapa ira awa God da yei sedo gari itera ,God umo jo ari embo awasedo embo berari da yei uso jomi berari itido ira . 6 Awasedo God da yei jomi berari edo sedogari itari itera .Edo jo etoto eowe . 7 Embo ami God da yei jo etoto adira ,embo amone teta ewa bisara mi piguri mambudo budo edo ira awodo ra. 8 Edo ari mana mana edo era embo amone jo etoto ra .God uso yeida neiro itadi aera . 9 Namendi rora ae embo awa God mi jigari inda witido yawiri adira . 10 Embo rowirawi ae embo awa atadira teta yi wuji awodo . 11 Iji wewera vivitira ami yi ve ewuri gyarasa edo uso gari biae edo ira .Da awodo embo roviravi jiwae embo awa uso pepeta awa soropuda atae adira. 12 Embo awe jo biae gambae goro doae edera awa yav iri are.God uso riroga awa itadira . Riroga God mi itadira amone embo umo be dubo bae edo ira ainda yei. 13 Edo embo amemi biae arase bagari buadira awa mana God mi itira awa sadira .Edo bagari bugadira awa God mi itira . 14 Awarate embo amenda bagari bugadira awa uso wasiri biae edo uso dipapa mi umo jumbutira. 15 Edo wasiri biae da be awa betari ra . 16 Naso dubobari nanonamendi doawo embo nei mi ingo ganubeore. 17 Kando ewagaewa berari awa utuda edo wosedo era,usasa utuda mata awa atima ira ainda yei. 18 God uso ge moka be ainda derido ingodena itiri siroro isera . 19 Naso dubobari nanonamendi eiawa be gido gogo 'o ewo ,awarate dowo embo berari awa degoro epesi edo ingari awa ore sasaimbari mi sari awa tamo ore edo burigida tini gambari eore. 20 Awasedo embo da tini gambari mi God ga ewagaewa adae ra . 21 Awa embo bebegae berari awa kosugedo dowo edo bebegae tega roinge awa dowo atae are sasaimbari mi ge moka awa joda siroro edo amimi ari soregari bawe. 22 Awarate ge moka awa ambo ambo ari embobo ewo ,tepo ingari embo awodo eowe , edo doawo biae ingo ganubeure. 23 Awa embo awe ge ingira te iwata da itaera embo awa teta usuka atiti da gido ira da awodora. 24 Awasedo umo usuka atiti da gido borere ae mambudo ruvegadesa. 25 Awarate embo amemi soregari da agodari gido gogo 'o ira edo iwata da ititira edo ave tepo ingido iwata da itae ira ,teta ingido dodo ingae inge ira embo eiawa awa uso ari wasiri da ewagaewa badae ra . 26 Embo amei umo usuka awa God tumonda ari embo awodo adira ,awarate uso awewa awa simba ae adira awa uso jo ari da adira ,amimi uso ambo ambo ari awa be ae adira . 27 Ambo ambo ari da wasiri rawa ewamei be edo dongono ae God mama da dombu da ami ae mamo ae edo rorigarori ungoda memesi awa jigido gogo 'o ari dongono ae adira.