TANO 5. Papatu 1 edo 3.

1 Puwo , ingo rora jiwae de embomei naso ge ingiwo .Ingo da iji biae awa butira awasedo jibia ewo . 2 Iso ewagaewa awa sangowe adira , edo tamonda ewagaewa awa daedo atae adira . 3 Iso guri gayapa mi imo awa yi awo mi ewarago adira . Kuno atio iji ge kasari buware . 4 Iso buro embomei da , buru okain awa dose adesa , ungo da dubo vewera awa God ingise atira . 5 Iso atari busu da awa ewamei be imo rojarae ate kotise eio . Imo awa embo ewagaewa gido sisesa edo dorisesa . 6 Usae ro isesa awa umo mina ae tepo dotiri imo isuka uso yeida da biae berari isesa . 7 Ambuya edo petewo , naso nanonamendi , Bada awa buwadira . Da awodo embo enda parogo , awa ambuya petedo gya simba ira awodo. 8 Jo etoto eiowe ainda be awa Bada da buwari awa aikambu etira . 9 Naso nanonamendi bekuba mina ara eowe edo embo nei gido seowe , embo budo ge kasadira awa atira , 10 naso nanonamendi esusu eia giwo , ingode naso binga sari embomei awa memesi burisera edo bara ambuia edo Bada Iesu Keriso da jawo da ge sisera . 11 Eiawa giwo , ingo awe memesi burisewa awa kotopu ewo , ingo embo awe Job mi memesi burisira awa ingisewi ,umo awa jamojamo edo dengoro epesi edo Bada ro sadira awa ingadi isira.Da awodo ingo dena da awodo ae etera. 12 Awarate ainda awa , naso nanonamendi , ge biae seowe einda busuda da awodo utuda , awarate eia giwo , wasiri ewamei ewo edo wasiri biae eowe , ingo gaegae adewa awa amboda ge kasari iji buwadira ainde kasadewa. 13 Ingo da teda embo nei okain tambuterita ?. Umo edo gido benunu sare. Ingo awe yawiri ewi ? Jasiga borega ewo . 14 Embo awe awa karu iri umo embo benunu sedo kondade itiwo . Bada da jawo gegata ewo jebugari bare. 15 Tumonda ise benunu sewo karu embo jebugare ainda be awa Bada Iesu Keriso umo ari jebugadiri .Awarate umo awa jimbo de gido , awa God mi kotembedo doadira . 16 Awasedo ungoda jimbo bebegae awa wujegewo edo benunu sedo jebugari bawe .Embo ewamei da benunu awa wasiri de buro adira . 17 Elizah awa embo ingode na awodo ra umo benunu jo berari mi gya buwurasae setiri , gya awa dae atiri gyaiko tamonde edo kariga six isira . 18 Elizah sekago benunu setiri gya wowosisira , edo yi wewa erido wuji edo be isera . 19 Naso nanonamendi , edo embo amei ingoda joda ge moka awa jarojaro adira , awa embo nei mi umo kuno engenebadira , 20 embo amei umo awa uso bebegae da kuno waregurira awa , uso asisi awa betari da soregetira , edo jimbo berari kotembedo doadira .Awara .