Tano 3

1 God ingo jigiri eriri sewa edo ingo wasiri seka vasa jo da burisewa awodo jo ingoda berari mi utuda roviravi awa dipapa ewa.Edo utuda ainda Iesu awa God daingo be kena uso gitigigari anuba da anubedo atira. 2 Edo iji berari busuda rora awa kotove ta iji berari utuda rora awa kotedo ewo ainda be awa ingoda easiri mamatu awa isira, 3 Edo ingo jodada diti da Iesu jo da wasiri seka awa gaera. 4 Awarate Iesu Keriso ingoda joda atira awa wasiri sekada 5 Edo ingoda jo mi busu da embobo da wasiri awa dewo betari.Edo wasiri ewa mei busu da embobo mi edo era.Vira ise dita ise sono da wasiri awa edo era.Kotari bebege da dipapa nembogambo de edo jinaga jewae edo era,edo jinaga. 6 Edo God umo wasiri bebegae eiyawa embo umo kera ae era ainda yei tini gambari nebodiba adira. 7 Ingo matu dipapa bebegae mamatu awa ise atima edo isewa iji ainde awa ingo da jo da dipapa bebegae ingo giti jigido isira. 8 awara te kotari bebegae de tinigambari de embo neneimi ujo ae aride bera ri awa pigewo mabare.Edo embo nenei da jawo da ge bebegae seowe edo ge bebegae isisbeowe . 9 Ganubari mina ara awa adi ae ,awarate edo embo be da ujugari awa edo gido uju gurira awa gido gogowo ae dodo. 10 Edo ge mina busowe ainda be awa wasiri bebegae mamatu dipapa ewowa awa dodowasiri seka dawa teta bo seka budo asugara go ete wa. 11 Awa sedo embo jew embo ta,embo jew embo aeri edo embo tamoda angiso diugari wasiri awa burisita baeri,ainda sedogari ,ainda mina sari awa nembodiba aera . 12 Edo ingo awa God da embobora.Edo umo ingo dubobudo ingo katabetiri ingo uso embo mei isewa,awa sedo wasiri ewagaewa awa budo ombuwo teta bo seka ombarago ewo. 13 Edo iji berari kodade mina ara ewo,edo embo nei namedi bekuba ari gido kotembedo dowo.Kotembedo mina doa ewo teta God mi ingo kotemebedo dotu risira awodo. 14 Edo dubobari awa dowo wasiri ewagaewa nenei berari awa derigare,ainda be awa dubobari awa wasiri ewagaewa berari ainda susura. 15 Edo God mi ingo jawo setiri Iesu da tamo isewa awa ingo jamojamo de atawase dipapa ira,awa sedo dubo jamo ari Iesu mi itido ira awa dowo ungoda joda dedegare, edo doyo sewo. 16 Edo Iesu da gebe jiwari da sira awa ingido joda atare,edo jo jiro nembodiba atopaputise dengoro mina ara ewo,edo ingoda joda God doyo sise, ya ewae gaewa mi sise,God jasiga borega ewo. 17 Edo ingo ro adewa,edo sadewa awa sise ise Bada Iesu da jawo da ewo.Edo ise sise gido mama God awa Iesu Keriso da yei awodo jasiga ewo. 18 Ingo ari asini ingoda iubono kera ewo,ainda be awa Iesu gebe ami embo evetu awa awodo adera. 19 Edo ingo iubono ingoda aro asini buwo,edo ungoda yei tini gambari eowe. 20 Edo ingo kinapeina iji berari ingoda aimono awa kera ewo,ainde be awa God awodo awase dipapa edo ira edo kinapeina ungoda aimamo kera adera amimi ari God dubo ewamei adira. 21 Edo ingo ai mono ingoda kinapeina sedo gogowo ewo,ge inakade sawo ungoda jo wosure,edo awodo awo popoiwo awodo eore,kinapeina simba ewa mei adewa ami ari God dubo ewamei adira. 22 Edo ingo agipo embobo ingoda babojegari mi awase soro gidoewo,edo ingo ditini iji ainde awo ungo yaviri orase sedo eove ta jo ewamei de da ewo,ainda be awa ingo God da dubobari burewa awasedo. 23 Edo ingo ro ewa,awa ingoda jo berarimi ewo,embo da esa ane God da buro esa. 24 Edo kotewo God mi ingo riroga awa itadira edo unemi uso embo da yei ro itadi sia etira awa imone badesa,edo Iesu awa bajari be awa imo kera esa. 25 Edo embo awe wasiri bebegae ira embo ane uso wasiri bebegae awasedo mina badira, ainda be awa tega ainde God embo kasedo ira.