1 Giti jijiegari ungoda buro embobo da boanda inono be edo ari emboroda era.Imo daedo iso giti jigari utu inda atira awa gosesa. 2 Benunu sesa da awa mata ainda ategabutega de gadi gadi ise atio. 3 Dada edo nango bara benunu sewo,awa awo God ge, embo nago da magiro pirigare,ari Iesu da tu ge awa sore.Eiawa embo,na daedo bundisera. 4 Benunu sewo awo ano isagha are,daedo na gesane. 5 Embo phonda atera awa kena pepeta dubode ewo,edo iji awa soregave. 6 Iso ge awa doyo,natopo kandode wosare.Doyo indari tamoda sigina itido era awodo,adesa ainda imo embo dada ainda ge mina sadesa. 7 Roviravi berari dombu esa naso yeida,awa Tychicus mi ari ingo gadewa,imone dubobari namedi edo tumoda ari buro embo ra,edo buro ari embo bada da yei dara. 8 Na nemi umo be eiya wo embo ititena,ano imo nango da rori awa gasase ena,awa ise ingo da jo dari eradira. 9 Nanemi umo Onesimus ga da iteno mambutera,dubobari edo tumoda ari namedi.Umo awa ingoda embo dara.Ungo mi wasiri ro einda era awa saro ingadewa. 10 Aristarchus,naso dibura komana,ingo ategurira daedo mark de da ,banabas da ngato ami ingo da yei da itira ,umo ingoda yei da itira ,edo umoingoda yei da bugadi iraawa kumbuwo 11 edo daedo Jesus jawo Justus sedera ainde .Embo mei emonenaso kokomana God da aruta da angiso diugari da atise buro eworaungo naso yei da binono ra. 12 Epaphras ingo ategarira. Umo ne ingo da embo nei edo Iesu Keri so da buro embora. Umo iji berari ingo embo edo gido benunu sadera awodo edora, awa ari ingo dambu edo jo pakara, edo God da ujo da petawa se gido ira. 13 Umo ro ira ane naso ditidara, edo umo buro pakara be ise edo Laodicea atera ainda ise Hierapolis ainda atera awa embo edora. 14 Luki dubo bari edo siwo itari embo edo Demas ingo ategarera. 15 Nano namendi Laodicea edo Nympha de edo embo uso mamdo da atera ainde. 16 Iji ainde jiwari eiawa ajigurera gido awa daedo embo Laodiceans atera ainda ajigawo, edo daedo jiwari Laodiceans edo bugadira awa ajigewo. 17 Archippus da sewo, Bada da yei da buro betewa awa givo, edo awa be are. 18 Ategari eiawa naso ingo mokami ena-Paul. Naso bundari awa kotewo. Bada da jo ari ingo da yei atare.